ನವದೆಹಲಿ : ಮ್ಯೂಚುವಲ್ ಫಂಡ್‌ಗಳ ಮೂಲಕ ಸಣ್ಣ ಹೂಡಿಕೆದಾರರು ತೊಡಗಿಸುವ ಸರಾಸರಿ ಮೊತ್ತವು 2022–23ರ ಮಾರ್ಚ್ ಅಂತ್ಯಕ್ಕೆ ಶೇಕಡ 3ರಷ್ಟು ಇಳಿಕೆ ಕಂಡಿದ್ದು ₹ 68,321 ಕೋಟಿಯಷ್ಟು ಆಗಿದೆ.
ಸಣ್ಣ ಹೂಡಿಕೆದಾರರು 2021–22ರ ಮಾರ್ಚ್ ಅಂತ್ಯದಲ್ಲಿ ಮಾಡಿದ್ದ ಸರಾಸರಿ ಹೂಡಿಕೆಯು ₹ 70,199 ಕೋಟಿಯಷ್ಟು ಇತ್ತು ಎಂದು ಭಾರತೀಯ ಮ್ಯೂಚುವಲ್ ಫಂಡ್‌ಗಳ ಒಕ್ಕೂಟವು (ಎಎಂಎಫ್‌ಐ) ಮಾಹಿತಿ ನೀಡಿದೆ.
ಸಾಂಸ್ಥಿಕ ಹೂಡಿಕೆದಾರರ ಸರಾಸರಿ ಹೂಡಿಕೆ ಮೊತ್ತವು ಪ್ರತಿ ಖಾತೆಗೆ ₹ 10.11 ಕೋಟಿಯಷ್ಟು ಆಗಿದೆ. ಯೋಜನಾವಾರು ಸರಾಸರಿ ಹೂಡಿಕೆ ಮೊತ್ತವು ಲಿಕ್ವಿಡ್‌ ಮತ್ತು ಡೆಟ್‌ ಯೋಜನೆಗಳಲ್ಲಿ ಹೆಚ್ಚಿಗೆ ಇದೆ. ಈ ಯೋಜನೆಗಳಲ್ಲಿ ಸಾಂಸ್ಥಿಕ ಹೂಡಿಕೆದಾರರ ಪಾಲೇ ಗರಿಷ್ಠ ಮಟ್ಟದಲ್ಲಿ ಇರುತ್ತದೆ.
ಎಂಎಫ್‌ನಲ್ಲಿ ಹೂಡಿಕೆದಾರರ ವಿವರ
14.57 ಕೋಟಿ 2023ರ ಮಾರ್ಚ್ ಅಂತ್ಯಕ್ಕೆ ಒಟ್ಟು ಹೂಡಿಕೆದಾರರು 13.28 ಕೋಟಿ ಸಣ್ಣ ಹೂಡಿಕೆದಾರರು 1.19 ಕೋಟಿ ಸಿರಿವಂತರು 9.82 ಲಕ್ಷ ಸಾಂಸ್ಥಿಕ ಹೂಡಿಕೆದಾರರು
