ಮುಂಬೈ: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ತನ್ನ ಸ್ಥಿರ ಠೇವಣಿಗಳ (ಎಫ್ಡಿ) ಮೇಲಿನ ಬಡ್ಡಿ ದರವನ್ನು ಶೇ 0.40ರಷ್ಟು ಇಳಿಸಿದೆ.
ಒಂದು ತಿಂಗಳಲ್ಲಿನ ಎರಡನೆ ಬಡ್ಡಿ ದರ ಕಡಿತ ಇದಾಗಿದೆ. ₹ 2 ಕೋಟಿ ಮತ್ತು ಅದಕ್ಕಿಂತ ಹೆಚ್ಚಿನ ಮೊತ್ತದ ಸಗಟು ಠೇವಣಿಗಳ ಮೇಲಿನ ಬಡ್ಡಿ ದರವನ್ನು ಶೇ 0.50ರಷ್ಟು ಕಡಿಮೆ ಮಾಡಿದೆ. ಹೊಸ ದರಗಳು ತಕ್ಷಣದಿಂದಲೇ ಜಾರಿಗೆ ಬಂದಿವೆ ಎಂದು ಬ್ಯಾಂಕ್ ತನ್ನ ಅಂತರ್ಜಾಲ ತಾಣದಲ್ಲಿ ಪ್ರಕಟಿಸಿದೆ.
ಹಿರಿಯ ನಾಗರಿಕರಿಗೆ ಪರಿಷ್ಕೃತ ಬಡ್ಡಿ ದರಗಳಿಗೆ ಹೆಚ್ಚುವರಿಯಾಗಿ ಶೇ 0.50ರಷ್ಟು ಬಡ್ಡಿ ನೀಡಲಿದೆ.
7 ರಿಂದ 45 ದಿನಕ್ಕೆ ಶೇ2.9,46 ರಿಂದ 179 ದಿನಕ್ಕೆ ಶೇ3.9,180 ದಿನಗಳಿಂದ 1 ವರ್ಷಕ್ಕೆ ಶೇ 4.4,ಒಂದು ವರ್ಷದಿಂದ 3 ವರ್ಷಕ್ಕೆ ಶೇ5.1, ಮೂರರಿಂದ5 ವರ್ಷಕ್ಕೆ ಶೇ 5.3,ಐದರಿಂದ10 ವರ್ಷಕ್ಕೆ ಶೇ 5.4.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.