ಟಾಟಾ ಮೋಟರ್ಸ್‌: ಸಣ್ಣ ಡೀಸೆಲ್‌ ಕಾರ್‌ ತಯಾರಿಕೆ ಸ್ಥಗಿತ?
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ದೇಶದ ಪ್ರಮುಖ ಕಾರ್‌ ತಯಾರಿಕಾ ಸಂಸ್ಥೆಯಾಗಿರುವ ಟಾಟಾ ಮೋಟರ್ಸ್‌, ತನ್ನ ಸಣ್ಣ ಡೀಸೆಲ್‌ ಕಾರ್‌ಗಳ ತಯಾರಿಕೆಯನ್ನು ಸ್ಥಗಿತಗೊಳಿಸುವ ಸಾಧ್ಯತೆ ಇದೆ.
ವಾಯು ಮಾಲಿನ್ಯ ನಿಯಂತ್ರಣದ ‘ಭಾರತ್‌–6’ (ಬಿಎಸ್‌–6) ಮಾನದಂಡಗಳು ಜಾರಿಗೆ ಬರಲಿರುವ ಕಾರಣಕ್ಕೆ ಈ ಕಾರ್‌ಗಳ ಖರೀದಿ ಬೆಲೆ ದುಬಾರಿಯಾಗಲಿದೆ. ಇದರಿಂದ ಬೇಡಿಕೆ ತಗ್ಗಲಿದೆ ಎನ್ನುವ ಕಾರಣಕ್ಕೆ ಸಂಸ್ಥೆ ಈ ನಿರ್ಧಾರಕ್ಕೆ ಬಂದಿದೆ ಎಂದು ಹಿರಿಯ ಅಧಿಕಾರಿ
ಯೊಬ್ಬರು ತಿಳಿಸಿದ್ದಾರೆ.
ಟಾಟಾ ಮೋಟರ್ಸ್‌ ಸದ್ಯಕ್ಕೆ ತನ್ನ 1 ಲೀಟರ್‌ ಡೀಸೆಲ್‌ ಎಂಜಿನ್ನಿನ ಟಿಯಾಗೊ, ಕಾಂಪ್ಯಾಕ್ಟ್‌ ಸೆಡಾನ್‌ ಟೈಗೊರ್‌ (1.05 ಲೀಟರ್‌ ಪವರ್‌ಟ್ರೇನ್‌) ಮತ್ತು ಹಳೆ ಮಾದರಿಗಳಾದ 1.3 ಲೀಟರ್‌ ಡೀಸೆಲ್‌ ಎಂಜಿನ್ನಿನ ಬೋಲ್ಟ್‌ ಮತ್ತು ಜೆಸ್ಟ್‌ ಕಾರುಗಳನ್ನು ತಯಾರಿಸುತ್ತಿದೆ.
2020ರ ಏಪ್ರಿಲ್‌ನಿಂದ ಡೀಸೆಲ್‌ ಕಾರ್‌ಗಳ ತಯಾರಿಕೆ ಸ್ಥಗಿತಗೊಳಿಸುವುದಾಗಿ ಮಾರುತಿ ಸುಜುಕಿ ಇಂಡಿಯಾ ಈಗಾಗಲೇ ಪ್ರಕಟಿಸಿದೆ. ಡೀಸೆಲ್‌ ವಾಹನಗಳ ಮಾರಾಟ ನಿಲ್ಲಿಸುವುದಿಲ್ಲ ಎಂದು ಫೋರ್ಡ್‌ ಇಂಡಿಯಾ ತಿಳಿಸಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
