₹ 9 ಲಕ್ಷ ಕೋಟಿ ದಾಟಿದ ಟಿಸಿಎಸ್‌ ಮಾರುಕಟ್ಟೆ ಮೌಲ್ಯ
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ₹ 9 ಲಕ್ಷ ಕೋಟಿಗಿಂತ ಹೆಚ್ಚಿನ ಮಾರುಕಟ್ಟೆ ಮೌಲ್ಯ ಹೊಂದಿರುವ ಭಾರತದ ಎರಡನೆಯ ಕಂಪನಿಯಾಗಿ ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ ಹೊರಹೊಮ್ಮಿದೆ. ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (ಆರ್‌ಐಎಲ್‌) ಈ ಸಾಧನೆ ತೋರಿದ ಭಾರತದ ಮೊದಲ ಕಂಪನಿ.
ಟಿಸಿಎಸ್‌ನ ಷೇರಿನ ಮೌಲ್ಯವು ಶೇಕಡ 5ರಷ್ಟು ಹೆಚ್ಚಳ ಕಂಡು, ಮುಂಬೈ ಷೇರು ಮಾರುಕಟ್ಟೆಯಲ್ಲಿ (ಬಿಎಸ್‌ಇ) ₹ 2,492.30ಗೆ ತಲುಪಿತು. ಒಂದು ಹಂತದಲ್ಲಿ ಟಿಸಿಎಸ್‌ ಷೇರಿನ ಬೆಲೆಯು ₹ 2,504ಕ್ಕೂ ತಲುಪಿತ್ತು. ಎನ್‌ಎಸ್‌ಇಯಲ್ಲಿ ಕಂಪನಿಯ ಷೇರಿನ ಬೆಲೆಯು ₹ 2,489.20ಕ್ಕೆ ತಲುಪಿತು.
ಷೇರು ಮೌಲ್ಯದಲ್ಲಿನ ಹೆಚ್ಚಳದ ಪರಿಣಾಮವಾಗಿ ಟಿಸಿಎಸ್‌ನ ಮಾರುಕಟ್ಟೆ ಮೌಲ್ಯದಲ್ಲಿ ₹ 44,503 ಕೋಟಿಯಷ್ಟು ಹೆಚ್ಚಳ ಆಯಿತು. ಇದರಿಂದಾಗಿ ಕಂಪನಿಯ ಒಟ್ಟು ಮಾರುಕಟ್ಟೆ ಮೌಲ್ಯವು ದಿನದ ಅಂತ್ಯದ ಹೊತ್ತಿಗೆ ₹ 9.35 ಲಕ್ಷ ಕೋಟಿ ತಲುಪಿತು.
ಅತಿ ಹೆಚ್ಚಿನ ಮಾರುಕಟ್ಟೆ ಮೌಲ್ಯ ಹೊಂದಿರುವ ಭಾರತದ ಮುಂಚೂಣಿ ಕಂಪನಿ ಆರ್‌ಐಎಲ್‌. ಇದರ ಈಗಿನ ಮಾರುಕಟ್ಟೆ ಮೌಲ್ಯವು ₹ 15.56 ಲಕ್ಷ ಕೋಟಿ. ಈ ವರ್ಷದಲ್ಲಿ ಇದುವರೆಗೆ ಟಿಸಿಎಸ್‌ ಷೇರುಗಳ ಮೌಲ್ಯದಲ್ಲಿ ಶೇ 15.31ರಷ್ಟು ಹೆಚ್ಚಳ ಆಗಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
