ನವದೆಹಲಿ: ಟೊಯೋಟ ಕಿರ್ಲೋಸ್ಕರ್‌ ಮೋಟರ್‌ ಕಂಪನಿಯು ತನ್ನ ಕಾಂಪ್ಯಾಕ್ಟ್‌ ಎಸ್‌ಯುವಿ ಅರ್ಬನ್‌ ಕ್ರೂಸರ್‌ ಮತ್ತು ಪ್ರೀಮಿಯಂ ಹ್ಯಾಚ್‌ಬ್ಯಾಕ್‌ ಗ್ಲಾನ್ಜಾ ಬೆಲೆಯನ್ನು ಮೇ 1ರಿಂದ ಹೆಚ್ಚಿಸುವುದಾಗಿ ಶುಕ್ರವಾರ ತಿಳಿಸಿದೆ.
ತಯಾರಿಕಾ ವೆಚ್ಚದಲ್ಲಿ ಆಗುತ್ತಿರುವ ಹೆಚ್ಚಳವನ್ನು ಸರಿಹೊಂದಿಸಲು ಈ ನಿರ್ಧಾರಕ್ಕೆ ಬಂದಿರುವುದಾಗಿ ಅದು ಹೇಳಿದೆ.
ಸದ್ಯ ಅರ್ಬನ್‌ ಕ್ರೂಸರ್‌ ಬೆಲೆ ₹ 8.88 ಲಕ್ಷದಿಂದ ₹ 11.58 ಲಕ್ಷದವರೆಗೆ ಇದೆ. ಗ್ಲಾನ್ಸಾ ಬೆಲೆ ₹ 6.39 ಲಕ್ಷದಿಂದ ₹ 9.96 ಲಕ್ಷದವರೆಗೆ ಇದೆ (ದೆಹಲಿ ಎಕ್ಸ್‌ ಷೋರೂಂ).
ಉಕ್ಕು, ಅಲ್ಯುಮಿನಿಯಂ ಮತ್ತು ಇತರ ಲೋಹಗಳ ಹಾಗೂ ಇತರ ಕಚ್ಚಾ ಸಾಮಗ್ರಿಗಳ ಬೆಲೆಯಲ್ಲಿ ಭಾರಿ ಹೆಚ್ಚಳ ಆಗಿದ್ದು, ವಾಹನ ತಯಾರಿಕಾ ವೆಚ್ಚದಲ್ಲಿ ಏರಿಕೆಗೆ ಕಾರಣವಾಗಿದೆ ಎಂದು ಕಂಪನಿ ತಿಳಿಸಿದೆ.
