ನವದೆಹಲಿ: ಆರ್ಥಿಕ ಚಿಂತಕರ ಚಾವಡಿಯಾಗಿರುವ ಸಾರ್ವಜನಿಕ ಹಣಕಾಸು ಮತ್ತು ನೀತಿಯ ರಾಷ್ಟ್ರೀಯ ಸಂಸ್ಥೆಯ (ಎನ್ಐಪಿಎಫ್ಪಿ) ಅಧ್ಯಕ್ಷರಾಗಿ ಭಾರತೀಯ ರಿಸರ್ವ್ ಬ್ಯಾಂಕ್ನ ಮಾಜಿ ಗವರ್ನರ್ ಉರ್ಜಿತ್ ಪಟೇಲ್ ಅವರು ಇದೇ 22ರಂದು ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.
ವಿಜಯ್ ಕೇಳ್ಕರ್ ಅವರು 2014ರಿಂದ ಈ ಹುದ್ದೆಯಲ್ಲಿದ್ದರು. ಪಟೇಲ್ ಅವರ ಅಧಿಕಾರಾವಧಿ ನಾಲ್ಕು ವರ್ಷಗಳವರೆಗೆ ಇರಲಿದೆ.
ಉರ್ಜಿತ್ ಪಟೇಲ್ ಅವರು ಆರ್ಬಿಐ ಗವರ್ನರ್ ಹುದ್ದೆಯ ತಮ್ಮ ಅಧಿಕಾರಾವಧಿಯು ಇನ್ನೂ ಕೆಲ ತಿಂಗಳುಗಳವರೆಗೆ ಇರುವಾಗಲೇ 2018ರ ಡಿಸೆಂಬರ್ 10ರಂದು ರಾಜೀನಾಮೆ ಸಲ್ಲಿಸಿದ್ದರು. ವೈಯಕ್ತಿಕ ಕಾರಣಗಳಿಗಾಗಿ ಹುದ್ದೆ ತೊರೆಯುತ್ತಿರುವುದಾಗಿ ಕಾರಣ ನೀಡಿದ್ದರು.