ಶನಿವಾರ, ಜುಲೈ 31, 2021
21 °C

ಯೆಸ್‌ ಬ್ಯಾಂಕ್ ಎಫ್‌ಪಿಒ: ₹ 15 ಸಾವಿರ ಕೋಟಿ ಸಂಗ್ರಹ ನಿರೀಕ್ಷೆ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಹಣಕಾಸಿನ ಬಿಕ್ಕಟ್ಟಿಗೆ ಸಿಲುಕಿರುವ ಖಾಸಗಿ ವಲಯದ ಯೆಸ್ ಬ್ಯಾಂಕ್‌,  ಫಾಲೊ ಆನ್‌ ಪಬ್ಲಿಕ್ ಆಫರ್‌ (ಎಫ್‌ಪಿಒ) ಮೂಲಕ ಹೂಡಿಕೆದಾರರಿಂದ ₹ 15 ಸಾವಿರ ಕೋಟಿ ಬಂಡವಾಳ ಸಂಗ್ರಹಿಸಲು ನಿರ್ಧರಿಸಿದೆ. ಜುಲೈ 15ರಿಂದ ಎಫ್‌ಪಿಒ ಆರಂಭವಾಗಲಿದ್ದು 17ಕ್ಕೆ ಮುಗಿಯಲಿದೆ. ಪ್ರತಿ ಷೇರಿಗೆ ₹ 12ರಂತೆ ಮೂಲ ದರ ನಿಗದಿಪಡಿಸಿದೆ.

ಬ್ಯಾಂಕ್‌ನ ಬಂಡವಾಳ ಸಂಗ್ರಹ ಸಮಿತಿಯು ಈ ಮೂಲ ದರ ನೀಡಲು ಒಪ್ಪಿಗೆ ಸೂಚಿಸಿದೆ ಎಂದು ಷೇರುಪೇಟೆಗೆ ಮಾಹಿತಿ ನೀಡಿದೆ.  ಷೇರಿನ ಗರಿಷ್ಠ ದರ ₹ 13 ಇದೆ. ಕನಿಷ್ಠ 1 ಸಾವಿರ ಷೇರುಗಳು ಮತ್ತು 1 ಸಾವಿರದ ಗುಣಕದಲ್ಲಿ ಬಿಡ್‌ ಸಲ್ಲಿಸಬಹುದು. ಬ್ಯಾಂಕ್‌ನ ಉದ್ಯೋಗಿಗೆ ಪ್ರತಿ ಷೇರಿಗೆ ₹1 ರಿಯಾಯಿತಿ ಸಿಗಲಿದೆ.

ಪುನಶ್ಚೇತನ ಯೋಜನೆಯಂತೆ, ಎಸ್‌ಬಿಐ ಒಳಗೊಂಡು 8 ಹಣಕಾಸು ಸಂಸ್ಥೆಗಳು ಯೆಸ್ ಬ್ಯಾಂಕ್‌ನಲ್ಲಿ ₹ 10 ಸಾವಿರ ಕೋಟಿ ಹೂಡಿಕೆ ಮಾಡಿವೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು