ಮುಂಬೈ: ಸ್ವಿಟ್ಜರ್ಲೆಂಡ್ನ ಜೂರಿಚ್ ಇನ್ಶುರೆನ್ಸ್ ಕಂಪನಿಯು ಕೋಟಕ್ ಜನರಲ್ ಇನ್ಶುರೆನ್ಸ್ನಲ್ಲಿ ಶೇ 51ರಷ್ಟು ಷೇರುಗಳನ್ನು ₹4,051 ಕೋಟಿಗೆ ಖರೀದಿಸಲಿದೆ ಎಂದು ಕೋಟಕ್ ಮಹೀಂದ್ರ ಬ್ಯಾಂಕ್ ಗುರುವಾರ ತಿಳಿಸಿದೆ.
ಕೋಟಕ್ ಮಹೀಂದ್ರ ಬ್ಯಾಂಕ್ ಮತ್ತು ಕೋಟಕ್ ಮಹೀಂದ್ರ ಜನರಲ್ ಇನ್ಶುರೆನ್ಸ್ ಕಂಪನಿಯು ಷೇರು ಮಾರಾಟ ಸಂಬಂಧ ಜೂರಿಚ್ ಇನ್ಶುರೆನ್ಸ್ ಕಂಪನಿಯೊಂದಿಗೆ ನಿರ್ಣಾಯಕ ಒಪ್ಪಂದ ಮಾಡಿಕೊಂಡಿವೆ ಎಂದು ಷೇರುಪೇಟೆಗೆ ಮಾಹಿತಿ ನೀಡಿದೆ. ಜೂರಿಚ್ ಕಂಪನಿಯು ಮೂರು ವರ್ಷಗಳಲ್ಲಿ ಶೇ 19ರಷ್ಟು ಹೆಚ್ಚುವರಿ ಷೇರುಗಳನ್ನು ಸ್ವಾಧೀನಪಡಿಸಿಕೊಳ್ಳಲಿದೆ ಎಂದು ಹೇಳಿದೆ.