ಮೂರನೆಯ ದಿನವೂ ಸೆನ್ಸೆಕ್ಸ್ ಏರಿಕೆ

ಅಮೆರಿಕದ ಡಾಲರ್ ಎದುರು ರೂಪಾಯಿ ಮೌಲ್ಯದಲ್ಲಿ 27 ಪೈಸೆಯಷ್ಟು ಏರಿಕೆ ಆಗಿದ್ದು ಕೂಡ ಷೇರುಪೇಟೆಗಳ ಉತ್ಸಾಹ ಹೆಚ್ಚಿಸಿತು ಎಂದು ವರ್ತಕರು ಹೇಳಿದ್ದಾರೆ. ಸೆನ್ಸೆಕ್ಸ್ 256 ಅಂಶ, ನಿಫ್ಟಿ 98 ಅಂಶ ಏರಿಕೆ ಕಂಡವು.

ಮಾರ್ಚ್‌ಗೆ ಕೊನೆಗೊಂಡ ತ್ರೈಮಾಸಿಕದ ಲಾಭದಲ್ಲಿ ಶೇ 31ರಷ್ಟು ಏರಿಕೆ ದಾಖಲಿಸಿರುವ ಎಚ್‌ಡಿಎಫ್‌ಸಿಯ ಷೇರುಗಳ ಮೌಲ್ಯದಲ್ಲಿ ಶೇ 2.7ರಷ್ಟು ಏರಿಕೆ ಕಂಡುಬಂತು. ಮಹೀಂದ್ರ ಆ್ಯಂಡ್ ಮಹೀಂದ್ರ, ಬಜಾಜ್ ಫಿನ್‌ಸರ್ವ್‌, ಎನ್‌ಟಿಪಿಸಿ, ಭಾರ್ತಿ ಏರ್‌ಟೆಲ್‌, ಐಟಿಸಿ, ಒಎನ್‌ಜಿಸಿ ಮತ್ತು ಅಲ್ಟ್ರಾಟೆಕ್‌ ಷೇರುಗಳು ಏರಿಕೆ ಕಂಡವು.

ಬಜಾಜ್ ಆಟೊ, ಬಜಾಜ್‌ ಫೈನಾನ್ಸ್‌, ಇನ್ಫೊಸಿಸ್, ಕೋಟಕ್ ಬ್ಯಾಂಕ್, ಐಸಿಐಸಿಐ ಬ್ಯಾಂಕ್ ಷೇರುಗಳು ಇಳಿಕೆ ಕಂಡವು.