<p><strong>ಶಿವಮೊಗ್ಗ: </strong>ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಮಂಜುನಾಥ ಭಂಡಾರಿ ಬುಧವಾರ ನಾಮಪತ್ರ ಸಲ್ಲಿಸಿದ್ದಾರೆ. ಈ ಸಂದರ್ಭದಲ್ಲಿ ಚುನಾವಣಾ ಆಯೋಗಕ್ಕೆ ಸಲ್ಲಿಸಿದ ಆದಾಯ ಪ್ರಮಾಣದ ವಿವರಗಳ ಪ್ರಕಾರ ಮಂಜುನಾಥ ಭಂಡಾರಿ ಮತ್ತು ದಂಪತಿ ಕೋಟಿ ಮೌಲ್ಯದ ಆಸ್ತಿ ಒಡೆಯರಾಗಿದ್ದಾರೆ.<br /> <br /> ಭಂಡಾರಿ ಬಳಿ ಏಳು ವಾಹನಗಳಿವೆ. ಪತ್ನಿ ಬಳಿ ಮೂರು ವಾಹನಗಳಿವೆ. ಹೋಂಡಾ ಸಿ.ಆರ್.ವಿ. ಕಾರು, ಮಾಂಟಿರೋ ಕಾರು, ಮಹೀಂದ್ರಾ ಬೊಲೆರೋ, ಹೀರೋ ಹೊಂಡಾ -ಬುಲೆಟ್ ಬೈಕ್, ಮೂರು ಆಟೋ ರಿಕ್ಷಾ, ಟಾಟಾ ಸರಕು ಸಾಗಾಣೆ ವಾಹನಗಳಿವೆ. ಈವಾಹನಗಳ ಪ್ರಸ್ತುತ ಮಾರುಕಟ್ಟೆಯ ಒಟ್ಟು ಮೌಲ್ಯ ₨21 ಲಕ್ಷ. ಇವರ ಪತ್ನಿ ಬಳಿ ಹೊಂಡಾ ಸಿಟಿ, ಹೊಂಡಾ ಜಾಜ್, ಹುಂಡೈ ಕಾರುಗಳಿದ್ದು ಈ ಮೂರು ಕಾರುಗಳ ಮೌಲ್ಯ ₨9 ಲಕ್ಷ. ಭಂಡಾರಿ ಅವರ ಬಳಿ ₨6.48 ಕೋಟಿ ಮೌಲ್ಯದ ಚರಾಸ್ಥಿ ಹಾಗೂ ₨4.16 ಕೋಟಿ ಮೌಲ್ಯದ ಸ್ಥಿರಾಸ್ತಿಯಿದ್ದು ಒಟ್ಟು ₨10.65 ಕೋಟಿ ರೂಪಾಯಿ ಮೌಲ್ಯದ ಸಂಪತ್ತಿನ ಒಡೆಯರು.<br /> <br /> ಪತ್ನಿ ಪ್ರಸನ್ನ ಭಂಡಾರಿಯವರ ಚರಾಸ್ತಿ ₨2.44 ಕೋಟಿ ಹಾಗೂ ₨ 96.65 ಲಕ್ಷ ಮೌಲ್ಯದ ಸ್ಥಿರಾಸ್ತಿಯಿದ್ದು ಒಟ್ಟು ₨3.40 ಕೋಟಿ ಮೌಲ್ಯದ ಸಂಪತ್ತಿನ ಒಡತಿ.<br /> <br /> ಮಂಜುನಾಥ್ ಭಂಡಾರಿ ದಂಪತಿಯ ಬಳಿ ಸುಮಾರು ₨ 1 ಕೋಟಿ ಮೌಲ್ಯದಷ್ಟು ಚಿನ್ನ ಹಾಗೂ ಬೆಳ್ಳಿಯ ಆಭರಣಗಳಿವೆ. ಭಂಡಾರಿಯ ಬಳಿ ₨23 ಲಕ್ಷ ರೂಪಾಯಿ ಮೌಲ್ಯದ 1ಕೆ.ಜಿ. ಬಂಗಾರ ಹಾಗೂ ₨2.35 ಲಕ್ಷ ಮೌಲ್ಯದ ಬೆಳ್ಳಿಯ ಆಭರಣವಿದೆ. ಪತ್ನಿಯ ಬಳಿ ₨63 ಲಕ್ಷ ಮೌಲ್ಯದ 2 ಕೆ.ಜಿ. 645 ಗ್ರಾಂ.ಬಂಗಾರದ ಆಭರಣಗಳಿವೆ.<br /> <br /> ಭಂಡಾರಿ ಅವರಿಗೆ ದಾಸರಕಲ್ಲಳ್ಳಿ ಗ್ರಾಮದಲ್ಲಿ ₨13 ಲಕ್ಷ. ಮೌಲ್ಯದ 3.24 ಎಕರೆ ಕೃಷಿ ಜಮೀನು, ಅಗಸನಹಳ್ಳಿ ಗ್ರಾಮವೊಂದ ರಲ್ಲಿ ₨61ಲಕ್ಷ ಮೌಲ್ಯದ 5ಎಕರೆ ಜಮೀನುಗಳು ಪಿತ್ರಾರ್ಜಿತ ಆಸ್ತಿಗಳು. ಪತ್ನಿಯ ಹೆಸರಲ್ಲಿ ಬಂಟ್ವಾಳದಲ್ಲಿ ₨ 20 ಲಕ್ಷ ಮೌಲ್ಯದ 4.04 ಎಕರೆ ಕೃಷಿ ಭೂಮಿ ಇದೆ. ಇದು ಅವರ ಸ್ವಯಾರ್ಜಿತ ಆಸ್ತಿ.<br /> <br /> ಖಾಲಿ ನಿವೇಶನಗಳು ಶಿವಮೊಗ್ಗ ನಗರ, ಮಂಗಳೂರಿನಲ್ಲಿ ಸಾಕಷ್ಟಿವೆ. ಪ್ರಸ್ತುತ ಭಂಡಾರಿಯವರ ಬಳಿ ₨72 ಲಕ್ಷ ಹಾಗೂ ಪತ್ನಿಯ ಬಳಿ ₨ 22.19 ಲಕ್ಷ ನಗದಿದೆ. ಭಂಡಾರಿ ಅವರು ಶಿವಮೊಗ್ಗ, ಮಂಗಳೂರು ಹಾಗೂ ಬೆಂಗಳೂರಿನ 15 ವಿವಿಧ ಬ್ಯಾಂಕ್ ಶಾಖೆಗಳಲ್ಲಿ 56 ಲಕ್ಷ ರೂ.ಠೇವಣಿ ಹೊಂದಿದ್ದಾರೆ. <br /> <br /> <strong>ಸಾಲವೂ ಸಾಕಷ್ಟು</strong><br /> ದಂಪತಿಯ ಬಳಿ ಕೋಟಿ ರೂಪಾಯಿ ಮೌಲ್ಯದ ಸಂಪತ್ತಿದ್ದರೂ, ಸಾಲವೂ ಸಾಕಷ್ಟಿದೆ. ಭಂಡಾರಿ ಅವರ ಹೆಸರಿನಲ್ಲಿ ವಿವಿಧ ಹಣಕಾಸು ಸಂಸ್ಥೆಗಳಲ್ಲಿ ₨8.54 ಕೋಟಿ ಹಾಗೂ ಪತ್ನಿಯ ಹೆಸರಲ್ಲಿ ₨43 ಲಕ್ಷ ಸಾಲವಿದೆ.<br /> <br /> 2012-–13 ನೇ ಸಾಲಿನಲ್ಲಿ ದಂಪತಿ ಘೋಷಿಸಿಕೊಂಡಂತೆ ಭಂಡಾರಿ ಅವರ ವಾರ್ಷಿಕ ಆದಾಯ ₨52,57,880ಗಳಾದರೇ, ಅವರ ಪತ್ನಿಯ ವಾರ್ಷಿಕ ಆದಾಯ ₨9,34,520ಗಳಾಗಿದೆ ಎಂದು ಚುನಾವಣಾ ಆಯೋಗದ ಪ್ರಕಟಣೆ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಶಿವಮೊಗ್ಗ: </strong>ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಮಂಜುನಾಥ ಭಂಡಾರಿ ಬುಧವಾರ ನಾಮಪತ್ರ ಸಲ್ಲಿಸಿದ್ದಾರೆ. ಈ ಸಂದರ್ಭದಲ್ಲಿ ಚುನಾವಣಾ ಆಯೋಗಕ್ಕೆ ಸಲ್ಲಿಸಿದ ಆದಾಯ ಪ್ರಮಾಣದ ವಿವರಗಳ ಪ್ರಕಾರ ಮಂಜುನಾಥ ಭಂಡಾರಿ ಮತ್ತು ದಂಪತಿ ಕೋಟಿ ಮೌಲ್ಯದ ಆಸ್ತಿ ಒಡೆಯರಾಗಿದ್ದಾರೆ.<br /> <br /> ಭಂಡಾರಿ ಬಳಿ ಏಳು ವಾಹನಗಳಿವೆ. ಪತ್ನಿ ಬಳಿ ಮೂರು ವಾಹನಗಳಿವೆ. ಹೋಂಡಾ ಸಿ.ಆರ್.ವಿ. ಕಾರು, ಮಾಂಟಿರೋ ಕಾರು, ಮಹೀಂದ್ರಾ ಬೊಲೆರೋ, ಹೀರೋ ಹೊಂಡಾ -ಬುಲೆಟ್ ಬೈಕ್, ಮೂರು ಆಟೋ ರಿಕ್ಷಾ, ಟಾಟಾ ಸರಕು ಸಾಗಾಣೆ ವಾಹನಗಳಿವೆ. ಈವಾಹನಗಳ ಪ್ರಸ್ತುತ ಮಾರುಕಟ್ಟೆಯ ಒಟ್ಟು ಮೌಲ್ಯ ₨21 ಲಕ್ಷ. ಇವರ ಪತ್ನಿ ಬಳಿ ಹೊಂಡಾ ಸಿಟಿ, ಹೊಂಡಾ ಜಾಜ್, ಹುಂಡೈ ಕಾರುಗಳಿದ್ದು ಈ ಮೂರು ಕಾರುಗಳ ಮೌಲ್ಯ ₨9 ಲಕ್ಷ. ಭಂಡಾರಿ ಅವರ ಬಳಿ ₨6.48 ಕೋಟಿ ಮೌಲ್ಯದ ಚರಾಸ್ಥಿ ಹಾಗೂ ₨4.16 ಕೋಟಿ ಮೌಲ್ಯದ ಸ್ಥಿರಾಸ್ತಿಯಿದ್ದು ಒಟ್ಟು ₨10.65 ಕೋಟಿ ರೂಪಾಯಿ ಮೌಲ್ಯದ ಸಂಪತ್ತಿನ ಒಡೆಯರು.<br /> <br /> ಪತ್ನಿ ಪ್ರಸನ್ನ ಭಂಡಾರಿಯವರ ಚರಾಸ್ತಿ ₨2.44 ಕೋಟಿ ಹಾಗೂ ₨ 96.65 ಲಕ್ಷ ಮೌಲ್ಯದ ಸ್ಥಿರಾಸ್ತಿಯಿದ್ದು ಒಟ್ಟು ₨3.40 ಕೋಟಿ ಮೌಲ್ಯದ ಸಂಪತ್ತಿನ ಒಡತಿ.<br /> <br /> ಮಂಜುನಾಥ್ ಭಂಡಾರಿ ದಂಪತಿಯ ಬಳಿ ಸುಮಾರು ₨ 1 ಕೋಟಿ ಮೌಲ್ಯದಷ್ಟು ಚಿನ್ನ ಹಾಗೂ ಬೆಳ್ಳಿಯ ಆಭರಣಗಳಿವೆ. ಭಂಡಾರಿಯ ಬಳಿ ₨23 ಲಕ್ಷ ರೂಪಾಯಿ ಮೌಲ್ಯದ 1ಕೆ.ಜಿ. ಬಂಗಾರ ಹಾಗೂ ₨2.35 ಲಕ್ಷ ಮೌಲ್ಯದ ಬೆಳ್ಳಿಯ ಆಭರಣವಿದೆ. ಪತ್ನಿಯ ಬಳಿ ₨63 ಲಕ್ಷ ಮೌಲ್ಯದ 2 ಕೆ.ಜಿ. 645 ಗ್ರಾಂ.ಬಂಗಾರದ ಆಭರಣಗಳಿವೆ.<br /> <br /> ಭಂಡಾರಿ ಅವರಿಗೆ ದಾಸರಕಲ್ಲಳ್ಳಿ ಗ್ರಾಮದಲ್ಲಿ ₨13 ಲಕ್ಷ. ಮೌಲ್ಯದ 3.24 ಎಕರೆ ಕೃಷಿ ಜಮೀನು, ಅಗಸನಹಳ್ಳಿ ಗ್ರಾಮವೊಂದ ರಲ್ಲಿ ₨61ಲಕ್ಷ ಮೌಲ್ಯದ 5ಎಕರೆ ಜಮೀನುಗಳು ಪಿತ್ರಾರ್ಜಿತ ಆಸ್ತಿಗಳು. ಪತ್ನಿಯ ಹೆಸರಲ್ಲಿ ಬಂಟ್ವಾಳದಲ್ಲಿ ₨ 20 ಲಕ್ಷ ಮೌಲ್ಯದ 4.04 ಎಕರೆ ಕೃಷಿ ಭೂಮಿ ಇದೆ. ಇದು ಅವರ ಸ್ವಯಾರ್ಜಿತ ಆಸ್ತಿ.<br /> <br /> ಖಾಲಿ ನಿವೇಶನಗಳು ಶಿವಮೊಗ್ಗ ನಗರ, ಮಂಗಳೂರಿನಲ್ಲಿ ಸಾಕಷ್ಟಿವೆ. ಪ್ರಸ್ತುತ ಭಂಡಾರಿಯವರ ಬಳಿ ₨72 ಲಕ್ಷ ಹಾಗೂ ಪತ್ನಿಯ ಬಳಿ ₨ 22.19 ಲಕ್ಷ ನಗದಿದೆ. ಭಂಡಾರಿ ಅವರು ಶಿವಮೊಗ್ಗ, ಮಂಗಳೂರು ಹಾಗೂ ಬೆಂಗಳೂರಿನ 15 ವಿವಿಧ ಬ್ಯಾಂಕ್ ಶಾಖೆಗಳಲ್ಲಿ 56 ಲಕ್ಷ ರೂ.ಠೇವಣಿ ಹೊಂದಿದ್ದಾರೆ. <br /> <br /> <strong>ಸಾಲವೂ ಸಾಕಷ್ಟು</strong><br /> ದಂಪತಿಯ ಬಳಿ ಕೋಟಿ ರೂಪಾಯಿ ಮೌಲ್ಯದ ಸಂಪತ್ತಿದ್ದರೂ, ಸಾಲವೂ ಸಾಕಷ್ಟಿದೆ. ಭಂಡಾರಿ ಅವರ ಹೆಸರಿನಲ್ಲಿ ವಿವಿಧ ಹಣಕಾಸು ಸಂಸ್ಥೆಗಳಲ್ಲಿ ₨8.54 ಕೋಟಿ ಹಾಗೂ ಪತ್ನಿಯ ಹೆಸರಲ್ಲಿ ₨43 ಲಕ್ಷ ಸಾಲವಿದೆ.<br /> <br /> 2012-–13 ನೇ ಸಾಲಿನಲ್ಲಿ ದಂಪತಿ ಘೋಷಿಸಿಕೊಂಡಂತೆ ಭಂಡಾರಿ ಅವರ ವಾರ್ಷಿಕ ಆದಾಯ ₨52,57,880ಗಳಾದರೇ, ಅವರ ಪತ್ನಿಯ ವಾರ್ಷಿಕ ಆದಾಯ ₨9,34,520ಗಳಾಗಿದೆ ಎಂದು ಚುನಾವಣಾ ಆಯೋಗದ ಪ್ರಕಟಣೆ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
