ಈ ಕುರಿತು ಸಮುದಾಯ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ. ಚಂದ್ರಮೋಹನ ಮಾತನಾಡಿ, ‘ಮಗು ೩.೪೦೦ಕಿ.ಗ್ರಾಂ ಇದ್ದು, ಆರೋಗ್ಯವಾಗಿದೆ. ಮಗುವಿನ ತಲೆ, ಬಾಯಿ, ಕಣ್ಣು, ಕತ್ತು, ಎಡಗಾಲು, ಬೆರಳುಗಳು ಸಾಮಾನ್ಯವಾಗಿವೆ. ಆದರೆ ಬಲಗಾಲಿನ ಪಕ್ಕದಲ್ಲಿಯೇ ಮತ್ತೊಂದು ಕಾಲು ಬೆಳೆದಿದ್ದು ಎರಡು ಪಾದಗಳನ್ನು ಒಳಗೊಂಡಿದೆ. ಹೀಗಾಗಿ ಮೂರು ಕಾಲು ಮತ್ತು ನಾಲ್ಕು ಪಾದ ಕಂಡು ಬರುತ್ತದೆ. ಮೂಳೆ ತಜ್ಞರಲ್ಲಿ ಮಗುವನ್ನು ಪರೀಕ್ಷಿಸಿ ಕಾಲು ಸರಿಪಡಿಸುವ ಹಾಗೂ ಹೆಚ್ಚುವರಿಯಾಗಿ ಬೆಳೆದ ಕಾಲುಗಳ ಬಗ್ಗೆ ವಿಚಾರಿಸಲಾಗುವುದು. ಮಗು ಕನಿಷ್ಠ 10ಕೆ.ಜಿ ತೂಕ ಹೊಂದಿದ ನಂತರ ಶಸ್ತ್ರ ಚಿಕಿತ್ಸೆಗೆ ಅನುಕೂಲವಾಗಬಹುದು. ಪ್ರಸ್ತುತ ಮಗುವಿನ ತಾಯಿ, ತಂದೆ ಸಂಬಂಧಿಕರಾಗಿರುವುದರಿಂದ ಈ ರೀತಿ ಮಗುವಿನ ಜನನವಾಗಿದೆ’ ಎಂದು ಅಭಿಪ್ರಾಯಪಟ್ಟರು.
