ಹೊಸಪೇಟೆ: ನಗರ ಸೇರಿದಂತೆ ತಾಲ್ಲೂಕಿನ ಹಲವೆಡೆ ಗುರುವಾರ ತುಂತುರು, ಜಿಟಿ ಜಿಟಿ ಮಳೆಯಾಗಿದೆ.
ದಿನವಿಡೀ ದಟ್ಟ ಕಾರ್ಮೋಡ ಇತ್ತು. ಆಗೊಮ್ಮೆ ಈಗೊಮ್ಮೆ ಎಂಬಂತೆ ಬಿಟ್ಟು ಬಿಟ್ಟು ತುಂತುರು ಮಳೆ ಸುರಿಯಿತು. ಕೆಲವೆಡೆ ಜಿಟಿಜಿಟಿ ವರ್ಷಧಾರೆಯಾಯಿತು. ಇದರಿಂದಾಗಿ ಇಡೀ ವಾತಾವರಣ ಸಂಪೂರ್ಣ ತಂಪಾಗಿತ್ತು. ಜನರ ದೈನಂದಿನ ಕೆಲಸಗಳಿಗೆ ಅಡ್ಡಿಯಾಯಿತು.
ತಾಲ್ಲೂಕಿನ ಕಮಲಾಪುರ, ಹಂಪಿ, ಹೊಸೂರು, ನಾಗೇನಹಳ್ಳಿ, ಬಸವನದುರ್ಗ, ವಡ್ಡರಹಳ್ಳಿ, ಬೈಲುವದ್ದಿಗೆರಿ, ಗುಂಡ್ಲವದ್ದಿಗೇರಿ, ರಾಮಸಾಗರ, ಧರ್ಮಸಾಗರ, ಕಾಕುಬಾಳು, ಪಾಪಿನಾಯಕನಹಳ್ಳಿ, ಸೀತಾರಾಮ ತಾಂಡಾ ಸೇರಿದಂತೆ ಹಲವೆಡೆ ಮಳೆಯಾಗಿರುವುದು ವರದಿಯಾಗಿದೆ.