ಬಳ್ಳಾರಿ ಪಾಲಿಕೆ ಸದಸ್ಯೆಯ ಕುಟುಂಬ ಸದಸ್ಯರಿಗೆ ಜೀವಬೆದರಿಕೆ, ಬೈಕ್‌ಗಳಿಗೆ ಬೆಂಕಿ ಪ್ರಕರಣ: ವ್ಯಕ್ತಿ ಬಂಧನ

ಇಲ್ಲಿನ ಜಾಗೃತಿ ನಗರದ ನಿವಾಸಿ ಪುರುಷೋತ್ತಮ ಅವರನ್ನು ಬುಧವಾರ ರಾತ್ರಿ ಕೌಲ್ ಬಜಾರ್ ಠಾಣೆಯ ಪೋಲಿಸರು ಉರ್ದು ತರಬೇತಿ ಶಾಲೆಯ ಬಳಿ ಬಂಧಿಸಿದ್ದಾರೆ.

27ನೇ ವಾರ್ಡ್‌ನ ಸದಸ್ಯೆ ವಿದ್ಯಾಕುಮಾರಿ ಅವರ ಮನೆ ಮುಂದೆ ನಿಲ್ಲಿಸಿದ್ದ ಎರಡು ಬೈಕ್‌ಗಳಿಗೆ ದುಷ್ಕರ್ಮಿಗಳು ಬುಧವಾರ ಸಂಜೆ ಬೆಂಕಿ ಹಚ್ಚಿದ್ದರು.

ಮೇಯರ್ ಮತ್ತು ಉಪಮೇಯರ್ ಚುನಾವಣೆಗೆ ಕೆಲವೇ ದಿನ ಇದ್ದು, ನಡೆದಿರುವ ಈ ಘಟನೆಗೆ ಕಾಂಗ್ರೆಸ್‌ನ ಎರಡು ಗುಂಪುಗಳ ನಡುವಿನ ರಾಜಕೀಯ ದ್ವೇಷ ಕಾರಣ ಎನ್ನಲಾಗಿದೆ.