ಚಿಂತಾಮಣಿ: ತಾಲ್ಲೂಕಿನ ಸಂತೇಕಲ್ಲಹಳ್ಳಿ ಗ್ರಾಮದ ಸಂತೆ ಮೈದಾನದಲ್ಲಿ ಜೂಜಾಟದಲ್ಲಿ ನಿರತವಾಗಿದ್ದ ಗುಂಪಿನ ಮೇಲೆ ಗ್ರಾಮಾಂತರ ಠಾಣೆ ಇನ್ಸ್ ಸ್ಪೆಕ್ಟರ್ ಶಿವರಾಜು ನೇತೃತ್ವದ ಪೊಲೀಸ್ ತಂಡ ದಾಳಿ ನಡೆಸಿ, ಐವರನ್ನು ಬಂಧಿಸಿದ್ದಾರೆ.
ಸಂತೇಕಲ್ಲಹಳ್ಳಿ ಗ್ರಾಮದ ಬಾಬಾಜಾನ್, ವೆಂಕಟೇಶ್, ನಾರಾಯಣಸ್ವಾಮಿ, ರವಿ ಹಾಗೂ ವಡ್ಡಹಳ್ಳಿಯ ಸಂತೋಷ್ ಬಂಧಿತರು. ಬಂಧಿತರಿಂದ ಜೂಜಾಟದಲ್ಲಿ ಪಣಕ್ಕಿಟ್ಟಿದ್ದ ₹7,030 ಹಣ ವಶಪಡಿಸಿಕೊಂಡಿದ್ದಾರೆ.
ಎ.ಎಸ್.ಐ ಪ್ರಕಾಶ್, ನಾಗರಾಜ, ಆನಂದಕುಮಾರ್, ಅಶೋಕ, ಕೃಷ್ಣಮೂರ್ತಿ, ಮಂಜೇಶ್, ವಿನಾಯಕ, ಜೀಪ್ ಚಾಲಕ ಶ್ರೀನಿವಾಸ್ ದಾಳಿಯ ತಂಡದಲ್ಲಿದ್ದರು. ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
