ಪಟ್ಟಣದ ಹೃದಯಭಾಗದ ತಿಲಕ್ ವೃತ್ತದಲ್ಲಿರುವ ಚೌಡೇಶ್ವರಿ ದೇವಾಲಯ ಪ್ರಮುಖ ಆಕರ್ಷಣೆ ಕೇಂದ್ರ. ಶರನ್ನವರಾತ್ರಿ ಪ್ರಯುಕ್ತ ಸೆಪ್ಟೆಂಬರ್ 29ರಿಂದಲೇ ದೇವಾಲಯದಲ್ಲಿ ಹಬ್ಬದ ವಾತಾವರಣ ನಿರ್ಮಾಣವಾಗಿದೆ. ದೇವಿಗೆ ವಿಜಯಲಕ್ಷ್ಮಿ, ಧೈರ್ಯಲಕ್ಷ್ಮಿ, ಧನಲಕ್ಷ್ಮಿ, ಧಾನ್ಯಲಕ್ಷ್ಮಿ, ಗಜಲಕ್ಷ್ಮಿ, ಐಶ್ವರ್ಯಲಕ್ಷ್ಮಿ, ಸರಸ್ವತಿ ಅಲಂಕಾರ ಮಾಡಲಾಗಿದ್ದು ಪ್ರತಿದಿನ ಭಕ್ತರು ದೇವರ ಅಲಂಕಾರ ಕಣ್ತುಂಬಿಕೊಳ್ಳುತ್ತಿದ್ದಾರೆ. ಭಾನುವಾರ (ಅ.6) ದುರ್ಗಾದೇವಿ ಅಲಂಕಾರ, ಸೋಮವಾರ (ಅ.7) ವರಲಕ್ಷ್ಮಿ ದೇವಿ ಅಲಂಕಾರ ಹಾಗೂ ಮಂಗಳವಾರ(ಅ.8) ದೇವಿಗೆ ಸರ್ವಾಲಂಕಾರ ನಡೆಯಲಿದೆ.