ದೇವನಹಳ್ಳಿ | ರಕ್ಷಾರಾಮಯ್ಯ ಪರ ಮುನಿಯಪ್ಪ ರೋಡ್ ಶೋ

ಶಿವಗಣೇಶ ಸರ್ಕಲ್‌ನಿಂದ ಆರಂಭವಾದ ರೋಡ್ ಶೋ ಚನ್ನರಾಯಪಟ್ಟಣ ವೃತ್ತ ಮೂಲಕ ಜಿ.ಎಂ ವೃತ್ತ, ಎಲ್ಲಮ್ಮತಾಯಿ ದೇವಾಲಯದಿಂದ ಗಾಂಧಿಚೌಕದವರೆಗೂ ನಡೆಯಿತು. ಮಹಿಳೆಯರು ಸೇರಿದಂತೆ ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತರು, ಮುಖಂಡರು ಮೆರವಣಿಗೆಯಲ್ಲಿ ಭಾಗವಹಿಸಿದ್ದರು.

ಸಚಿವ ಕೆ.ಎಚ್.ಮುನಿಯಪ್ಪ ಮಾತನಾಡಿ, ರಕ್ಷಾರಾಮಯ್ಯ ಅವರ ಕುಟುಂಬ ಹಿಂದಿನಿಂದಲೂ ಆರೋಗ್ಯ ಮತ್ತು ಶಿಕ್ಷಣ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿದೆ. ಈ ಮೂಲಕ ಬಡ ಮತ್ತು ಮಧ್ಯಮ ವರ್ಗದ ಕುಟುಂಬಗಳಿಗೆ ಸೇವೆ ಒದಗಿಸುತ್ತಾ ಬಂದಿದೆ ಎಂದು ಹೇಳಿದರು.

ಅಭ್ಯರ್ಥಿ ರಕ್ಷಾ ರಾಮಯ್ಯ ಮಾತನಾಡಿ, ‘ಈ ಭಾಗದ ಜನರ ಸಮಸ್ಯೆಗಳು ನನಗೆ ಅರಿವಿದೆ. ಈ ಭಾಗದ ಜನರೊಂದಿಗೆ ನಿಕಟ ಸಂಪರ್ಕ ಇಟ್ಟುಕೊಂಡಿದ್ದೇನೆ. ಎಲ್ಲಾ ಸಮಸ್ಯೆಗಳಿಗೂ ಮುಕ್ತಿ ನೀಡುವ ಕೆಲಸವನ್ನು ಹಿರಿಯ ಮಾರ್ಗದರ್ಶನದಲ್ಲಿ ಮಾಡಲಾಗುವುದು ಎಂದು ತಿಳಿಸಿದರು.

ಕೆಪಿಸಿಸಿ ಕಾರ್ಯದರ್ಶಿ ವಿ.ಮಂಜುನಾಥ್, ಕೆಪಿಸಿಸಿ ಸದಸ್ಯ ಚಿನಪ್ಪ, ಎಲ್.ಎ.ಮಂಜುನಾಥ್, ಪುರಸಭೆ ಸದಸ್ಯರಾದ ಎಂ.ಸತೀಶ್ ಕುಮಾರ್, ವಿ.ನಂದಕುಮಾರ್, ಎ.ಆರ್.ಹನೀಪುಲ್ಲಾ, ಮುಖಂಡ ಗೌಸ್‌ಖಾನ್ ಮಾತನಾಡಿದರು.

ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ವಿ.ರಾಮಚಂದ್ರಪ್ಪ, ಟೌನ್ ಕಾಂಗ್ರೆಸ್ ಅಧ್ಯಕ್ಷ ವಿ.ಎಂ.ನಾಗರಾಜ್, ಪ್ರಧಾನ ಕಾರ್ಯದರ್ಶಿ ಎಸ್.ಮಂಜುನಾಥ್, ವಿಜಯಪುರ ಹೋಬಳಿ ಕಾಂಗ್ರೆಸ್ ಅಧ್ಯಕ್ಷ ವೀರೇಗೌಡ, ಯಲುವಹಳ್ಳಿ ನಟರಾಜ್, ಪುರಸಭೆ ಸದಸ್ಯರಾದ ಎಂ.ನಾರಾಯಣಸ್ವಾಮಿ, ಎಂ.ರಾಜಣ್ಣ, ಕೆ.ಎಂ.ಮಧುಮಹೇಶ್, ಆರ್.ಮುನಿರಾಜು, ಜೆ.ಎನ್.ಶ್ರೀನಿವಾಸ್, ಸಂಪತ್ ಕುಮಾರ್, ಸೈಪುಲ್ಲಾ, ಕೆಂಪಣ್ಣ, ಮುನಿಚಿನ್ನಪ್ಪ, ಅರುಣಮ್ಮತಿರುಮಲೇಶ್, ರಾಘವೇಂದ್ರ,ಎಂ.ವೇಣುಗೋಪಾಲ್, ಕೃಷ್ಣಮೂರ್ತಿ, ಮುನಿಕೃಷ್ಣಪ್ಪ, ಹರೀಶ್, ನಂಜಣ್ಣ, ರಾಜಗೋಪಾಲ್, ಬಾಬು, ಅಶ್ವಥ್, ನಿಸಾರ್ ಅಹಮದ್, ಎಜಾಜ್ ಅಹಮದ್, ಜಗದೀಶ್, ಎಸ್.ಕೆ.ಮಂಜುಳಾ, ಎಕ್ಭಾಲ್ ಹಾಜರಿದ್ದರು.