ಬುಧವಾರ, ಅಕ್ಟೋಬರ್ 20, 2021
24 °C

‘ನಿವೃತ್ತ ಸೈನಿಕರಿಂದ ಸೇವೆ ಶ್ಲಾಘನೀಯ’

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ತೆಲಸಂಗ: ‘ಗ್ರಾಮದ ನಿವೃತ್ತ ಸೈನಿಕರು ಒಗ್ಗಟ್ಟಿನ ಮೂಲಕ ಸಾಮಾಜಿಕ ಕಾರ್ಯದಲ್ಲಿ ತೊಡಗಿರುವುದು ಶ್ಲಾಘನೀಯ’ ಎಂದು ಗ್ರಾಮ ಲೆಕ್ಕಾಧಿಕಾರಿಯೂ ಆಗಿರುವ ನಿವೃತ್ತ ಸೈನಿಕ ಬಿ.ಜಿ. ಇರಕಾರ ಹೇಳಿದರು.

ಗ್ರಾಮದಲ್ಲಿ ನಿವೃತ್ತ ಸೈನಿಕರ ಸಂಘದ ಕಾರ್ಯಾಲಯ ಕಟ್ಟಡ ನಿರ್ಮಾಣ ಕಾಮಗಾರಿಗೆ ಗುರುವಾರ ಗುದ್ದಲಿ ಪೂಜೆ ನೆರವೇರಿಸಿ ಅವರು ಮಾತನಾಡಿದರು.

‘ಒಗ್ಗಟ್ಟಿನಿಂದ ಇದ್ದರೆ ಏನನ್ನಾದರೂ ಸಾಧಿಸಬಹುದು ಎನ್ನುವುದಕ್ಕೆ ಇಲ್ಲಿನ ನಿವೃತ್ತ ಸೈನಿಕರ ಸಂಘಟನೆಯೇ ಸಾಕ್ಷಿಯಾಗಿದೆ. ದೇಶ ಸೇವೆಯ ನಂತರ ಗ್ರಾಮದ ಒಳತಿಗೆ ಒಗ್ಗಟ್ಟಿನ ಮಂತ್ರ ಜಪಿಸಿರುವುದು ಮಾದರಿಯಾಗಿದೆ’ ಎಂದರು.

ರೈತ ಮುಖಂಡ ಸುಭಾಸ್ ಮೋರೆ ಮಾತನಾಡಿ, ‘ರೈತ ಮತ್ತು ಸೈನಿಕ ದೇಶದ ಬೆನ್ನೆಲಬು. ಅವರನ್ನು ಗೌರವಿಸುವುದು ಎಲ್ಲರ ಧರ್ಮವಾಗಿದೆ’ ಎಂದು ಹೇಳಿದರು.

ಗ್ರಾಮ ಪಂಚಾಯ್ತಿ ಅಧ್ಯಕ್ಷ ವಿಲಾಸ ಮೋರೆ, ಪಿಡಿಒ ಬೀರಪ್ಪ ಕಡಗಂಚಿ, ನಿವೃತ್ತ ಸೈನಿಕರಾದ ಮಹಾದೇವ ಬಾಣಿ, ಗಂಗಪ್ಪ ಗಂಗಾಧರ, ಸಾಬು ಅರಟಾಳ, ಪಾಂಡುರಂಗ ಶಿಂಧೆ, ಸುಭಾಸ್ ಖೊಬ್ರಿ, ಗ್ಯಾನು ನಲವಡೆ, ಬಸವರಾಜ ರೊಟ್ಟಿ, ವಿಲಾಸ್ ಕಾಂಬಳೆ, ಚಂದು ಬಿಜ್ಜರಗಿ, ಬಸಲಿಂಗ ಗಂಗಾಧರ, ಅರವಿಂದ ಉಂಡೋಡಿ, ಈಶ್ವರ ಉಂಡೋಡಿ, ಗುಂಡು ಪವಾರ, ರಾಮು ನಿಡೋಣಿ, ಅಪ್ಪು ಬಿಜ್ಜರಗಿ ಇದ್ದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು