ಪ್ರತಿ ಮಾರಾಟದಲ್ಲಿ ಕೈ ತುಂಬ ಸಂಪಾದನೆ

ತಮಗಿರುವ 8 ಎಕರೆ ಜಮೀನಿನಲ್ಲಿ 3 ಎಕರೆ ಜಮೀನಿನಲ್ಲಿ ಹಿಪ್ಪುನೆರಳೆ ಸೊಪ್ಪು ಬೆಳೆಸುತ್ತಾರೆ. ಇದರಲ್ಲಿ ಎರಡು ಭಾಗಗಳನ್ನಾಗಿ ಮಾಡಿ, 45 ದಿನಗಳಲ್ಲಿ ಬೆಳೆ ಬರುವಂತೆ ಬೆಳೆಸುತ್ತಾರೆ. ಒಂದೂವರೆ ಎಕರೆಯ ಒಂದೊಂದು ಭಾಗಕ್ಕೆ ವರ್ಷಕ್ಕೆ 10 ಟ್ರಾಕ್ಟರ್ ಸಗಣಿ ಗೊಬ್ಬರ, 8 ಚೀಲ ರಸಾಯನಿಕ ಗೊಬ್ಬರ, ಔಷಧಿ ಬಳಸುತ್ತಾರೆ. ನೀರಿನ ಸೌಕರ್ಯಕ್ಕಾಗಿ ಪಕ್ಕದಲ್ಲಿಯೇ ತೆರೆದ ಬಾವಿ ಹಾಗೂ ಕೊಳವೆ ಬಾವಿ ಕೊರೆಸಿದ್ದಾರೆ.

ಜಮೀನಿನ ತುಂಬ ಪೈಪ್‌ಲೈನ್‌ ಅಳವಡಿಸಿ, ತುಂತುರು ನೀರಾವರಿ ಕಲ್ಪಿಸಿದ್ದಾರೆ. ನೀರಿನ ಕೊರತೆ ಉಂಟಾಗದಂತೆ ನೋಡಿಕೊಂಡಿದ್ದಾರೆ.

ರೇಷ್ಮೆ ಹುಳು ಸಾಕಲು 20 ಅಡಿ ಅಗಲ 50 ಅಡಿ ಉದ್ದದ ಶೆಡ್‌ ನಿರ್ಮಿಸಿದ್ದಾರೆ. ಪ್ರತಿಯೊಂದು ಬ್ಯಾಚ್‌ನಲ್ಲಿ 200 ರೇಷ್ಮೆ ಹುಳುಗಳನ್ನು ಬೆಳೆಸುತ್ತಾರೆ. ಹುಳುಗಳ ಮೊಟ್ಟೆಗಳನ್ನು ಬೆಂಗಳೂರಿನಿಂದ ತರಿಸಿಕೊಳ್ಳುತ್ತಾರೆ. ಮೊಟ್ಟೆಯಿಂದ ಹೊರಬಂದ ನಂತರ ಹುಳುಗಳಿಗೆ ತಿನ್ನಲು ಹಿಪ್ಪುನೆರಳೆ ಎಲೆಗಳನ್ನು ಚಿಕ್ಕದಾಗಿ ಕಟ್‌ ಮಾಡಿ ಹಾಕುತ್ತಾರೆ. ನಂತರ ಅವು ದೊಡ್ಡದಾದ ನಂತರ ಎಲೆಗಳನ್ನು ಯಥಾವತ್ತಾಗಿ ಹಾಕುತ್ತಾರೆ.‌

ರೇಷ್ಮೆ ಹುಳುಗಳು ದೊಡ್ಡದಾದ ನಂತರ ಗೂಡು ಹೆಣೆಯುತ್ತವೆ. ಇವುಗಳನ್ನು ಹುಬ್ಬಳ್ಳಿ ಸಮೀಪದ ರಾಯಾಪುರ ಮಾರುಕಟ್ಟೆಗೆ ತೆಗೆದುಕೊಂಡು ಹೋಗಿ, ಮಾರಾಟ ಮಾಡಿ ಬರುತ್ತಾರೆ. ಪ್ರತಿ ವರ್ಷ ಸರಾಸರಿಯಾಗಿ 9 ಬಾರಿ ರೇಷ್ಮೆ ಗೂಡುಗಳನ್ನು ಮಾರಾಟ ಮಾಡುತ್ತಾರೆ. ಪ್ರತಿ ಮಾರಾಟದಲ್ಲಿ ಸುಮಾರು ₹ 90 ಸಾವಿರ ವರೆಗೆ ಸಂಪಾದಿಸುತ್ತಾರೆ.

ಮಾಹಿತಿಗೆ 99003 77283 ಸಂಪರ್ಕಿಸಬಹುದು.

*
ರೇಷ್ಮೆ ಕೃಷಿ ಕೈಗೊಂಡಿರುವುದರಿಂದ ಸಂತೃಪ್ತಿಯಾಗಿದ್ದೇನೆ. ಕುಟುಂಬದ ಸದಸ್ಯರಷ್ಟೇ ಮಾಡಿಕೊಂಡು ಹೋಗುತ್ತೇವೆ. ಹೆಚ್ಚಿನ ಕೂಲಿಕಾರ್ಮಿಕರ ಅವಶ್ಯಕತೆ ಇಲ್ಲ. -ಅಪ್ಪಣ್ಣ ಕಾಳೋಜಿ, ರೇಷ್ಮೆ ಕೃಷಿಕ