ಬಾಲಕಿಯ ಅತ್ಯಾಚಾರ | ಆರೋಪಿಗೆ 10 ವರ್ಷ ಜೈಲು ಶಿಕ್ಷೆ

ನ್ಯಾಯಾಧೀಶ ಜಿ.ನಂಜುಂಡಯ್ಯ ಬುಧವಾರ ಆದೇಶ ನೀಡಿದರು. ಸರ್ಕಾರದ ಪರವಾಗಿ ಎಲ್‌.ವಿ. ಪಾಟೀಲ ವಾದ ಮಂಡಿಸಿದ್ದರು.

ಇಲ್ಲಿಗೆ ಸಮೀಪದ ಹಿಂಡಲಗಾ ಮುಖ್ಯರಸ್ತೆಯಲ್ಲಿ ಜೋತ್ಯೆಶನು ಹೇರ್‌ ಕಟಿಂಗ್‌ ಅಂಗಡಿ ಇಟ್ಟುಕೊಂಡಿದ್ದ. 2018ರ ಮಾರ್ಚ್‌ 9ರಂದು ಬೈಕ್‌ ಮೇಲೆ ಬಾಲಕಿಯನ್ನು ಕರೆದುಕೊಂಡು ಹೋಗಿದ್ದ. ಮಹಾರಾಷ್ಟ್ರದ ಬೂದರಗಡ ತಾಲ್ಲೂಕಿನ ಶೇಲೋಳಿ ಗ್ರಾಮದಲ್ಲಿ ಒಂದು ವಾರ ಬಾಡಿಗೆ ಮನೆ ಮಾಡಿ, ಬಾಲಕಿಯನ್ನು ಇಟ್ಟಿದ್ದ. ಪ್ರತಿ ದಿನ ರಾತ್ರಿ ಅತ್ಯಾಚಾರ ಎಸಗಿದ್ದ. ಮುಂಬೈನಲ್ಲಿರುವ ತನ್ನ ಸಂಬಂಧಿಕರ ಮನೆಗೂ ಬಾಲಕಿಯನ್ನು ಕರೆದೊಯ್ದಿದ್ದ. ನಂತರ ಏಪ್ರಿಲ್‌ 5ರಂದು ಬೆಳಗಾವಿ ಬಸ್‌ ನಿಲ್ದಾಣಕ್ಕೆ ಕರೆದುಕೊಂಡು ಬಂದು, ಬಿಟ್ಟುಹೋಗಿದ್ದ ಎಂದು ತನಿಖಾಧಿಕಾರಿ ರಮೇಶ ಬಿ. ಗೋಕಾಕ ಆರೋಪ ಪಟ್ಟಿ ಸಲ್ಲಿಸಿದ್ದರು.