ದೇವಸ್ಥಾನ ಅತ್ಯುತ್ತಮ ಕಳಸ ಹೊಂದಿದೆ. ಕಳಸದ ಸುತ್ತುವರಿದ ಭಾಗದಲ್ಲಿ ಹಿಂದೂ ಧರ್ಮದ ಎಲ್ಲ ದೇವರ ಮೂರ್ತಿಗಳನ್ನು ಕೆತ್ತಲಾಗಿದೆ. ವಿಶಾಲವಾದ ದೇವಸ್ಥಾನಕ್ಕೆ ಪ್ರದಕ್ಷಿಣೆ ಹಾಕಲು ಪಾವಳಿ ಇದ್ದು, ಈ ದೇವಸ್ಥಾನದ ಪಕ್ಕದಲ್ಲಿಯೇ ಮತ್ತೊಂದು ಈಶ್ವರನ ದೇವಸ್ಥಾನವಿದೆ. ಈ ದೇವಸ್ಥಾನದಲ್ಲಿರುವ ಈಶ್ವರ ಮತ್ತು ನಂದಿ ವಿಗ್ರಹಗಳು ಹಲವು ವರ್ಷಗಳಿಂದ ಜಲಾವೃತದಲ್ಲಿವೆ. ರಾಮಲಿಂಗೇಶ್ವರ ದೇವಸ್ಥಾನದಲ್ಲಿ ಆಂಜನೇಯ, ನಾಗದೇವತೆ, ಬನ್ನಿ ಮಹಾಕಾಳಿ ಸೇರಿದಂತೆ ಹಲವಾರು ದೇವರುಗಳೊಂದಿಗೆ ದೈವಿ ವೃಕ್ಷಗಳು ಇಲ್ಲಿವೆ.