‘ನಾವಿಬ್ಬರೂ ಪ್ರೀತಿ ಮಾಡುತ್ತಿದ್ದುದು ನಿಜ. ನಾನು ಸ್ನೇಹಿತರ ಜತೆ ಎಲ್ಲಿಗಾದರೂ ಹೋದರೆ, ಹೇಳದೆ ಕೇಳದೆ ಹೋಗಿದ್ದೀಯಾ ಎಂದು ಜಾನ್ ಗಲಾಟೆ ಮಾಡುತ್ತಿದ್ದ. ಈ ವರ್ತನೆಯಿಂದ ಬೇಸರಗೊಂಡು ಕೆಲ ದಿನಗಳಿಂದ ಆತನಿಂದ ದೂರ ಉಳಿದಿದ್ದೆ. ಮನೆ ಹತ್ತಿರ ಬಂದ ಜಾನ್, ‘ನೀನು ನನ್ನನ್ನು ಪ್ರೀತಿಸಬೇಕು. ಇಲ್ಲವಾದರೆ, ಒಂದು ಗತಿ ಕಾಣಿಸುತ್ತೇನೆ’ ಎಂದು ಕೂಗಾಡುತ್ತಿದ್ದ. ಆಗ ನನ್ನ ತಾಯಿ, ‘ಅವಳಿಗೆ ಇಷ್ಟವಿಲ್ಲ ಎಂದ ಮೇಲೆ ನೀನ್ಯಾಕೆ ಬಲವಂತ ಮಾಡುತ್ತೀಯಾ‘ ಎಂದು ಪ್ರಶ್ನಿಸಿದರು.