ಅಮೆಜಾನ್‌ಗೆ ₹1.56 ಲಕ್ಷ ವಂಚನೆ ಆರೋಪ: ದೂರು
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಆನ್‌ಲೈನ್‌ನಲ್ಲಿ ಕೈಗಡಿಯಾರ, ಎಲೆಕ್ಟ್ರಾನಿಕ್‌ ಉಪಕರಣ, ಜೀನ್ಸ್‌ ಮತ್ತಿತರ ವಸ್ತುಗಳನ್ನು ಬುಕ್ ಮಾಡಿ ಹಣ ಪಾವತಿಸಿದ ವ್ಯಕ್ತಿಯೊಬ್ಬರು ಅವುಗಳ ಡೆಲಿವರಿ ಪಡೆದ ಬಳಿಕ ಪಾರ್ಸಲ್‌ನಲ್ಲಿ ಬಂದ ವಸ್ತುಗಳನ್ನು ಬದಲಾಯಿಸಿ ₹1.56 ಲಕ್ಷ ವಂಚಿಸಿದ್ದಾರೆಂದು ಆರೋಪಿಸಿ ಅಮೆಜಾನ್ ಕಂಪನಿ ಕೆ.ಜಿ ಹಳ್ಳಿ ಪೊಲೀಸ್‌ ಠಾಣೆಗೆ ದೂರು ನೀಡಿದೆ.
ಅಮೆಜಾನ್ ಟ್ರಾನ್ಸ್‌ಪೋರ್ಟೇಷನ್‌ ಸರ್ವಿಸಸ್‌ ಪ್ರೈವೇಟ್‌ ಲಿ. ತರುಣ್‌ ವರ್ಮ ಎಂಬುವರು ನೀಡಿರುವ ದೂರಿನಲ್ಲಿ ರಾಮಯ್ಯ ಬಡಾವಣೆ, ಫ್ಲವರ್‌ ಗಾರ್ಡನ್‌ನ ಬಾಬುಸಾ ಪಾಳ್ಯದ ನಿವಾಸಿ ಕ್ಲಿಫರ್ಡ್‌ ನಾವಿಸ್‌ ಜೆ. ಎಂಬುವರು ಬೇರೆ ಬೇರೆ ದಿನಾಂಕಗಳಲ್ಲಿ ಕೆಲವು ವಸ್ತುಗಳನ್ನು ಬುಕ್ ಮಾಡಿ ಪಡೆದು, ಆನಂತರ ಪಾರ್ಸಲ್‌ನಲ್ಲಿ ತಾವು ಆರ್ಡರ್‌ ಮಾಡಿದ ವಸ್ತುಗಳು ಬರದೆ ಬದಲಿ ವಸ್ತುಗಳು ಬಂದಿವೆ ಎಂದು ದೂರು ಕೊಟ್ಟು ಅವುಗಳನ್ನು ಪ್ಯಾಕೇಟ್‌ನಲ್ಲಿ ಹಾಕಿ ಹಿಂತಿರುಗಿಸಿದ್ದಾರೆ ಎಂದು ಆರೋಪಿಸಿದ್ದಾರೆ.
ಕ್ಲಿಫರ್ಡ್‌ ಖರೀದಿಸಿದ್ದ ವಸ್ತುಗಳಿಗೆ ಆನ್‌ಲೈನ್‌ನಲ್ಲಿ ಹಣ ಪಾವತಿಸಿದ್ದರು. ಆನಂತರ ಬದಲಿ ವಸ್ತುಗಳನ್ನು ವಾಪಸ್‌ ಕಳುಹಿಸಿ ₹1.56 ಲಕ್ಷ ವಾಪಸ್‌ ಪಡೆದು ವಂಚಿಸಿದ್ದಾರೆ ಎಂದು ವರ್ಮ ದೂರಿನಲ್ಲಿ ಪ್ರಸ್ತಾಪಿಸಿದ್ದಾರೆ.
ಪ್ರಜಾವಾಣಿ ಫೇಸ್ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
