ಬಿಡಿಎ ನಿವೇಶನ ಹೆಸರಿನಲ್ಲಿ ನಕಲಿ ಹಂಚಿಕೆ ಪ್ರಮಾಣಪತ್ರ, ನಕಲಿ ಸೇಲ್ ಡೀಡ್ ಹಾಗೂ ಇತರೆ ದಾಖಲೆಗಳನ್ನು ಅಪರಾಧಿ ಸೃಷ್ಟಿಸಿದ್ದ. ಅದೇ ದಾಖಲೆಗಳನ್ನು ಸಂತ್ರಸ್ತರಿಗೆ ನೀಡಿ ನಂಬಿಸಿದ್ದ. ಕೆಲ ದಿನಗಳ ನಂತರ, ದಾಖಲೆಗಳು ನಕಲಿ ಎಂಬುದು ಸಂತ್ರಸ್ತರಿಗೆ ಗೊತ್ತಾಗಿತ್ತು. ಹಣ ವಾಪಸು ನೀಡುವಂತೆ ಸಂತ್ರಸ್ತರು ಕೇಳಿದ್ದರು. ಅಪರಾಧಿ ಹಣ ಕೊಟ್ಟಿರಲಿಲ್ಲ. ಅವಾಗಲೇ ಸಂತ್ರಸ್ತರು ಠಾಣೆಗೆ ದೂರು ನೀಡಿದ್ದರು. ಪ್ರಕರಣದ ತನಿಖೆ ಜವಾಬ್ದಾರಿ ವಹಿಸಿಕೊಂಡಿದ್ದ ಸಿಐಡಿ ಅಧಿಕಾರಿಗಳು, ಅಪರಾಧಿಯನ್ನು ಬಂಧಿಸಿ ನ್ಯಾಯಾಲಯಕ್ಕೆ ದೋಷಾರೋಪ ಪಟ್ಟಿ ಸಲ್ಲಿಸಿದ್ದರು.