<p><strong>ರಾಜರಾಜೇಶ್ವರಿನಗರ</strong>: ಸರ್ಕಾರದಿಂದ ಅನುಮತಿ ಪಡೆದು ಮುಂದಿನ ವರ್ಷದಿಂದ ‘ವಿಶ್ವಪಾರಂಪರಿಕ ತಾಣ–3 ದೊಡ್ಡ ಆಲದಮರ ಉತ್ಸವ’ ಆಚರಿಸೋಣ ಎಂದು ಪರಿಸರವಾದಿ ಅ.ನ. ಯಲ್ಲಪ್ಪರೆಡ್ಡಿ ತಿಳಿಸಿದರು.</p>.<p>ಯೂನಿವರ್ಸಲ್ ಸ್ಕೂಲ್ ಆಫ್ ಅಡ್ಮಿನಿಸ್ಟ್ರೇಷನ್, ರಾಜರಾಜೇಶ್ವರಿ ವೈದ್ಯಕೀಯ ಆಸ್ಪತ್ರೆ ಮತ್ತು ವಿವಿಧ ಶಾಲಾ – ಕಾಲೇಜುಗಳ ಸಹಯೋದಲ್ಲಿ ಕೇತೋಹಳ್ಳಿ ಸಮೀಪದ ದೊಡ್ಡ ಆಲದ ಮರ ಬಳಿ ಭಾನುವಾರ ಆಯೋಜಿಸಿದ್ದ ‘ದೊಡ್ಡ ಆಲದಮರ ಉಳಿಸಿ ಯೂನಿವರ್ಸಲ್ ಮ್ಯಾರಥಾನ್‘ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.</p>.<p>’ಬೆಂಗಳೂರಿನ ಪ್ರಮುಖ ಪ್ರವಾಸಿ ತಾಣಗಳಲ್ಲಿ ಒಂದಾಗಿರುವ ದೊಡ್ಡ ಆಲದ ಮರದ ರಕ್ಷಣೆ ಕುರಿತು ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ಎಲ್ಲರೂ ಸೇರಿ ಈ ಉತ್ಸವವನ್ನು ಆಚರಿಸೋಣ‘ ಎಂದರು.</p>.<p>‘ಜಾತಿ, ಧರ್ಮ, ಬಡವ, ಶ್ರೀಮಂತ ಎಂಬ ತಾರತಮ್ಯವಿಲ್ಲದೆ ಎಲ್ಲರಿಗೂ ಶುದ್ದ ಗಾಳಿ, ನೀರು, ಆಹಾರ ನೀಡುತ್ತಿರುವ ಪರಿಸರ, ಪ್ರಕೃತಿಯೇ ನಿಜವಾದ ದೇವರು. ನಾವೆಲ್ಲರೂ ಗಿಡ, ಮರ, ಬೆಟ್ಟ, ಗುಡ್ಡ, ಜಲ ಮೂಲಗಳನ್ನು ಉಳಿಸುವ ಕೆಲಸ ಮಾಡಬೇಕಾಗಿದೆ’ ಎಂದು ಅವರು ಕರೆ ನೀಡಿದರು.</p>.<p>ಸಾಲುಮರದ ತಿಮ್ಮಕ್ಕ ಮಾತನಾಡಿ, ‘ಗಿಡ–ಮರಗಳಿಂದ ಜಗತ್ತು ಉಳಿದಿದೆ. ಮರಗಳನ್ನು ಕಡಿಯಬೇಡಿ. ಮಳೆ, ಬೆಳೆಗೆ ಅಡ್ಡಿಮಾಡಬೇಡಿ. ಕೆರೆಗಳನ್ನು ಉಳಿಸಿ, ಪ್ರತಿ ಮನೆ, ಊರಿನಲ್ಲಿ ಗಿಡಗಳನ್ನು ನೆಡಿ‘ ಎಂದರು.</p>.<p>ಯೂನಿವರ್ಸಲ್ ಸ್ಕೂಲ್ ಆಫ್ ಅಡ್ಮಿನಿಸ್ಟ್ರೇಷನ್ ಸಮೂಹ ಸಂಸ್ಥೆಯ ಅಧ್ಯಕ್ಷ ಆರ್.ಉಪೇಂದ್ರ ಶೆಟ್ಟಿ, ‘ನಾವೆಲ್ಲರೂ ಮರ, ಗಿಡ, ಪರಿಸರ, ಬೆಟ್ಟ–ಗುಡ್ಡಗಳನ್ನು ರಕ್ಷಿಸಬೇಕಾಗಿದೆ. ಈ ನಿಟ್ಟಿನಲ್ಲಿ ಕಾರ್ಯ ಪ್ರವೃತ್ತರಾಗೋಣ‘ ಎಂದರು. ‘ದೊಡ್ಡ ಆಲದ ಮರ ರಕ್ಷಿಸಲು ಸರ್ಕಾರಕ್ಕೆ ಆರ್ಥಿಕ ತೊಂದರೆಯಾದರೆ, ಸಹಾಯಧನ ನೀಡುವುದಾಗಿ ಇದೇ ಸಂದರ್ಭದಲ್ಲಿ ಭರವಸೆ ನೀಡಿದರು.</p>.<p>ರಾಜರಾಜೇಶ್ವರಿ ವೈದ್ಯಕೀಯ ಆಸ್ಪತ್ರೆ ಅಧೀಕ್ಷಕ ಡಾ.ಪ್ರವೀಣ್ಕುಮಾರ್, ‘ದೊಡ್ಡಾಲದಮರ ಸೇರಿದಂತೆ ಅರಣ್ಯ, ಬೆಟ್ಟ, ನದಿ, ಕೆರೆಗಳನ್ನು ರಕ್ಷಿಸುವ ಜೊತೆಗೆ, ಬಾಲ್ಯದಲ್ಲಿಯೇ ಮಕ್ಕಳಿಗೆ ಪರಿಸರ ಜಾಗೃತಿ ಮೂಡಿಸಬೇಕಿದೆ‘ ಎಂದು ಹೇಳಿದರು.</p>.<p>ಸಮಾಜ ಸೇವಕ ರಾಮೋಹಳ್ಳಿಯ ಚೇತನ್ಗೌಡ, ರಾಕೇಶ್ಗೌಡ ಮಾತನಾಡಿ ದೊಡ್ಡಾಲದದಮರದ ಸುತ್ತಮುತ್ತ ಉದ್ಯಾನವನ ನಿರ್ಮಿಸಿದರೆ, ಅಲ್ಲಿನ ಭದ್ರತಾ ಸಿಬ್ಬಂದಿಗೆ ತಗುಲುವ ವೇತನವನ್ನು ಪ್ರತಿ ತಿಂಗಳು ನೀಡುವುದಾಗಿ ಭರವಸೆ ನೀಡಿದರು. </p>.<p>ರಾಮೋಹಳ್ಳಿ ಗೇಟ್ ಬಳಿ ಮ್ಯಾರಾಥಾನ್ಗೆ ಚಾಲನೆ ನೀಡಲಾಯಿತು. ಪ್ರಾಂಶುಪಾಲ ಪ್ರೊ.ಜಯರಾಮ, ಕಿರಣ್ಶೆಟ್ಟಿ, ಗ್ರಾ.ಪಂ.ಸದಸ್ಯ ರವಿಕುಮಾರ್, ಸಂತೋಷ್ ಶೆಟ್ಟಿ, ಎನ್ಎಸ್ಎಸ್ನ ರಾಮಕೃಷ್ಣ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಾಜರಾಜೇಶ್ವರಿನಗರ</strong>: ಸರ್ಕಾರದಿಂದ ಅನುಮತಿ ಪಡೆದು ಮುಂದಿನ ವರ್ಷದಿಂದ ‘ವಿಶ್ವಪಾರಂಪರಿಕ ತಾಣ–3 ದೊಡ್ಡ ಆಲದಮರ ಉತ್ಸವ’ ಆಚರಿಸೋಣ ಎಂದು ಪರಿಸರವಾದಿ ಅ.ನ. ಯಲ್ಲಪ್ಪರೆಡ್ಡಿ ತಿಳಿಸಿದರು.</p>.<p>ಯೂನಿವರ್ಸಲ್ ಸ್ಕೂಲ್ ಆಫ್ ಅಡ್ಮಿನಿಸ್ಟ್ರೇಷನ್, ರಾಜರಾಜೇಶ್ವರಿ ವೈದ್ಯಕೀಯ ಆಸ್ಪತ್ರೆ ಮತ್ತು ವಿವಿಧ ಶಾಲಾ – ಕಾಲೇಜುಗಳ ಸಹಯೋದಲ್ಲಿ ಕೇತೋಹಳ್ಳಿ ಸಮೀಪದ ದೊಡ್ಡ ಆಲದ ಮರ ಬಳಿ ಭಾನುವಾರ ಆಯೋಜಿಸಿದ್ದ ‘ದೊಡ್ಡ ಆಲದಮರ ಉಳಿಸಿ ಯೂನಿವರ್ಸಲ್ ಮ್ಯಾರಥಾನ್‘ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.</p>.<p>’ಬೆಂಗಳೂರಿನ ಪ್ರಮುಖ ಪ್ರವಾಸಿ ತಾಣಗಳಲ್ಲಿ ಒಂದಾಗಿರುವ ದೊಡ್ಡ ಆಲದ ಮರದ ರಕ್ಷಣೆ ಕುರಿತು ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ಎಲ್ಲರೂ ಸೇರಿ ಈ ಉತ್ಸವವನ್ನು ಆಚರಿಸೋಣ‘ ಎಂದರು.</p>.<p>‘ಜಾತಿ, ಧರ್ಮ, ಬಡವ, ಶ್ರೀಮಂತ ಎಂಬ ತಾರತಮ್ಯವಿಲ್ಲದೆ ಎಲ್ಲರಿಗೂ ಶುದ್ದ ಗಾಳಿ, ನೀರು, ಆಹಾರ ನೀಡುತ್ತಿರುವ ಪರಿಸರ, ಪ್ರಕೃತಿಯೇ ನಿಜವಾದ ದೇವರು. ನಾವೆಲ್ಲರೂ ಗಿಡ, ಮರ, ಬೆಟ್ಟ, ಗುಡ್ಡ, ಜಲ ಮೂಲಗಳನ್ನು ಉಳಿಸುವ ಕೆಲಸ ಮಾಡಬೇಕಾಗಿದೆ’ ಎಂದು ಅವರು ಕರೆ ನೀಡಿದರು.</p>.<p>ಸಾಲುಮರದ ತಿಮ್ಮಕ್ಕ ಮಾತನಾಡಿ, ‘ಗಿಡ–ಮರಗಳಿಂದ ಜಗತ್ತು ಉಳಿದಿದೆ. ಮರಗಳನ್ನು ಕಡಿಯಬೇಡಿ. ಮಳೆ, ಬೆಳೆಗೆ ಅಡ್ಡಿಮಾಡಬೇಡಿ. ಕೆರೆಗಳನ್ನು ಉಳಿಸಿ, ಪ್ರತಿ ಮನೆ, ಊರಿನಲ್ಲಿ ಗಿಡಗಳನ್ನು ನೆಡಿ‘ ಎಂದರು.</p>.<p>ಯೂನಿವರ್ಸಲ್ ಸ್ಕೂಲ್ ಆಫ್ ಅಡ್ಮಿನಿಸ್ಟ್ರೇಷನ್ ಸಮೂಹ ಸಂಸ್ಥೆಯ ಅಧ್ಯಕ್ಷ ಆರ್.ಉಪೇಂದ್ರ ಶೆಟ್ಟಿ, ‘ನಾವೆಲ್ಲರೂ ಮರ, ಗಿಡ, ಪರಿಸರ, ಬೆಟ್ಟ–ಗುಡ್ಡಗಳನ್ನು ರಕ್ಷಿಸಬೇಕಾಗಿದೆ. ಈ ನಿಟ್ಟಿನಲ್ಲಿ ಕಾರ್ಯ ಪ್ರವೃತ್ತರಾಗೋಣ‘ ಎಂದರು. ‘ದೊಡ್ಡ ಆಲದ ಮರ ರಕ್ಷಿಸಲು ಸರ್ಕಾರಕ್ಕೆ ಆರ್ಥಿಕ ತೊಂದರೆಯಾದರೆ, ಸಹಾಯಧನ ನೀಡುವುದಾಗಿ ಇದೇ ಸಂದರ್ಭದಲ್ಲಿ ಭರವಸೆ ನೀಡಿದರು.</p>.<p>ರಾಜರಾಜೇಶ್ವರಿ ವೈದ್ಯಕೀಯ ಆಸ್ಪತ್ರೆ ಅಧೀಕ್ಷಕ ಡಾ.ಪ್ರವೀಣ್ಕುಮಾರ್, ‘ದೊಡ್ಡಾಲದಮರ ಸೇರಿದಂತೆ ಅರಣ್ಯ, ಬೆಟ್ಟ, ನದಿ, ಕೆರೆಗಳನ್ನು ರಕ್ಷಿಸುವ ಜೊತೆಗೆ, ಬಾಲ್ಯದಲ್ಲಿಯೇ ಮಕ್ಕಳಿಗೆ ಪರಿಸರ ಜಾಗೃತಿ ಮೂಡಿಸಬೇಕಿದೆ‘ ಎಂದು ಹೇಳಿದರು.</p>.<p>ಸಮಾಜ ಸೇವಕ ರಾಮೋಹಳ್ಳಿಯ ಚೇತನ್ಗೌಡ, ರಾಕೇಶ್ಗೌಡ ಮಾತನಾಡಿ ದೊಡ್ಡಾಲದದಮರದ ಸುತ್ತಮುತ್ತ ಉದ್ಯಾನವನ ನಿರ್ಮಿಸಿದರೆ, ಅಲ್ಲಿನ ಭದ್ರತಾ ಸಿಬ್ಬಂದಿಗೆ ತಗುಲುವ ವೇತನವನ್ನು ಪ್ರತಿ ತಿಂಗಳು ನೀಡುವುದಾಗಿ ಭರವಸೆ ನೀಡಿದರು. </p>.<p>ರಾಮೋಹಳ್ಳಿ ಗೇಟ್ ಬಳಿ ಮ್ಯಾರಾಥಾನ್ಗೆ ಚಾಲನೆ ನೀಡಲಾಯಿತು. ಪ್ರಾಂಶುಪಾಲ ಪ್ರೊ.ಜಯರಾಮ, ಕಿರಣ್ಶೆಟ್ಟಿ, ಗ್ರಾ.ಪಂ.ಸದಸ್ಯ ರವಿಕುಮಾರ್, ಸಂತೋಷ್ ಶೆಟ್ಟಿ, ಎನ್ಎಸ್ಎಸ್ನ ರಾಮಕೃಷ್ಣ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>