‘ಈ ಕಾಯ್ದೆ ಜಾರಿಗೆ ಬಂದು 14 ವರ್ಷಗಳಾದವು. ಆದರೆ, ಅಂತರ್ಜಾತಿ ವಿವಾಹವಾಗುವ ಬಾಲಕ–ಬಾಲಕಿಯರನ್ನು ಮಾತ್ರ ಗುರಿ ಮಾಡಲಾಗುತ್ತಿದೆ. ಅದರಲ್ಲಿಯೂ, ಹುಡುಗಿಯರ ಪೋಷಕರು ಮಕ್ಕಳನ್ನು ಶಿಕ್ಷಿಸುವ ಆಯುಧವನ್ನಾಗಿ ಈ ಕಾಯ್ದೆಯನ್ನು ಬಳಸಿಕೊಳ್ಳುತ್ತಿದ್ದಾರೆ. ಆದರೆ, ಪೋಷಕರ ಒಪ್ಪಿಗೆಯೊಂದಿಗೆ ನಡೆಯುವ ಬಾಲ್ಯವಿವಾಹಗಳ ವೇಳೆ, ಈ ಕಾನೂನು ಲೆಕ್ಕಕ್ಕೇ ಇರುವುದಿಲ್ಲ’ ಎಂದು ಅವರು ಉದಾಹರಿಸಿದರು. ‘ಇಂತಹ ವಿವಾಹಗಳನ್ನು ತಡೆಯದ ಹೊರತು, ವಿವಾಹ ವಯಸ್ಸು ಏರಿಸುವುದರಿಂದ ಏನೂ ಪ್ರಯೋಜನವಿಲ್ಲ’ ಎಂದು ಅವರು ಪ್ರತಿಪಾದಿಸಿದರು.