ಬೆಂಗಳೂರು | ಸೈಕಲ್‌ ಪಥ‌ ಅವ್ಯವಸ್ಥೆ: ಸವಾರರು ಹೈರಾಣ

ಯೋಜನಾಬದ್ಧವಾಗಿ ಪಥ ನಿರ್ಮಾಣ ಮಾಡುತ್ತಿಲ್ಲ. ವಿಧಾನಸೌಧ ಬಳಿ ಕೇವಲ ತೋರಿಕೆಗಾಗಿ ಪಥ ನಿರ್ಮಿಸಲಾಗಿದೆ. ಸೈಕಲ್ ಪಥಗಳನ್ನು ನಿರ್ಮಿಸುವಾಗ ಸರ್ಕಾರವು ಸೈಕಲಿಸ್ಟ್‌ಗಳ ಜತೆಗೆ ಸಭೆ ನಡೆಸಿ ಅವರ ಸಲಹೆಗಳನ್ನು ಪರಿಗಣಿಸಬೇಕು. 

ನಗರದಲ್ಲಿ ಸೈಕಲಿಂಗ್‌ಗೆ ಸೂಕ್ತ ಸೌಲಭ್ಯಗಳು ಇಲ್ಲ. ಹಿಗಾಗಿ ಐಟಿ ಉದ್ಯೋಗಿಗಳು ಸೇರಿದಂತೆ ಬಹಳಷ್ಟು ಸೈಕಲಿಸ್ಟ್‌ಗಳು ಕಾರಿನ ಹಿಂಬದಿಯಲ್ಲಿ ಸೈಕಲ್‌ ಇರಿಸಿ 50 ರಿಂದ 60 ಕಿ.ಮೀ ದೂರ ಕ್ರಮಿಸಿ ನಗರ ಹೊರವಲಯಗಳಲ್ಲಿ ಸೈಕಲಿಂಗ್‌ ಮಾಡುವ ಪರಿಸ್ಥಿತಿ ಬಂದಿರುವುದು ದುರಂತ. 

ನಗರದಲ್ಲಿ ಸೈಕಲ್ ಪಥಗಳು ಅಲ್ಲಲ್ಲಿ ಬಿಡಿ ಬಿಡಿಯಾಗಿರುವುದರಿಂದ ದೀರ್ಘ ಸವಾರಿ ಸಾಧ್ಯವಾಗುತ್ತಿಲ್ಲ.  ಇವುಗಳ ಜೋಡಣೆ ಮಾಡಿ ಪಥದ ಉದ್ದ ಹೆಚ್ಚಿಸಬೇಕು ಮತ್ತು ಆಯಕಟ್ಟಿನ ಸ್ಥಳಗಳಲ್ಲಿ ಸೈಕಲ್ ನಿಲ್ದಾಣ ನಿರ್ಮಾಣ ಮಾಡಬೇಕು.