ಮೌಲ್ಯಮಾಪನ ಮುಗಿದ 2 ದಿನಕ್ಕೆ ಫಲಿತಾಂಶ

ಬೆಂಗಳೂರು: ಬೆಂಗಳೂರು ವಿಶ್ವವಿದ್ಯಾಲಯ ವ್ಯಾಪ್ತಿಯ ಪದವಿ ಕಾಲೇಜುಗಳ 1 ಮತ್ತು 3ನೇ ಸೆಮಿಸ್ಟರ್ ಪರೀಕ್ಷೆಗಳ ಡಿಜಿಟಲ್ ಮೌಲ್ಯಮಾಪನ ನಡೆದಿದ್ದು, ಪ್ರಕ್ರಿಯೆ ಮುಗಿದ ಎರಡೇ ದಿನದಲ್ಲಿ ಫಲಿತಾಂಶಪ್ರಕಟವಾಗಲಿದೆ.

. ಈ ಬಾರಿ5ನೇ ಸೆಮಿಸ್ಟರ್ ಮತ್ತು ಪುನರಾವರ್ತಿತ ಅಭ್ಯರ್ಥಿಗಳ ಉತ್ತರ ಪತ್ರಿಕೆಗಳ ಮೌಲ್ಯಮಾಪನ ಮಾತ್ರ ಸಾಂಪ್ರದಾಯಿಕರೀತಿಯಲ್ಲಿ ನಡೆಯುತ್ತಿದೆ. 10 ದಿನದೊಳಗೆ ಅದು ಕೊನೆಗೊಳ್ಳುವ ನಿರೀಕ್ಷೆ ಇದೆ.

. ‘12 ಕೇಂದ್ರಗಳಲ್ಲಿ ಡಿಜಿಟಲ್ ಮೌಲ್ಯಮಾಪನ ನಡೆಯುತ್ತಿದೆ. ಈಗಾಗಲೇ 7 ಲಕ್ಷ ಉತ್ತರ ಪತ್ರಿಕೆಯ ಹಾಳೆಗಳ ಸ್ಕ್ಯಾನಿಂಗ್ ಮುಗಿದಿದೆ. ತಿಂಗಳಲ್ಲಿ ಮೌಲ್ಯಮಾಪನ ಕೊನೆಗೊಳ್ಳಲಿದೆ’ ಎಂದು ಕುಲಸಚಿವ (ಮೌಲ್ಯಮಾಪನ) ಪ್ರೊ.ಸಿ.ಶಿವರಾಜ್ ತಿಳಿಸಿದರು.

. ‘ಸದ್ಯ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದಲ್ಲಿ ಮಾತ್ರ ಡಿಜಿಟಲ್ ಮೌಲ್ಯಮಾಪನ ನಡೆಯುತ್ತಿದೆ. ಇಂಥ ವ್ಯವಸ್ಥೆ ಜಾರಿಗೊಳಿಸಿದ ರಾಜ್ಯದ ಎರಡನೇ ವಿಶ್ವವಿದ್ಯಾಲಯ ಎಂಬ ಶ್ರೇಯ ಬೆಂಗಳೂರು ವಿ.ವಿ.ಯದ್ದು. ಈ ವರ್ಷದ ನವೆಂಬರ್ ವೇಳೆಗೆ ಸಂಪೂರ್ಣ ಡಿಜಿಟಲ್ ಮಾಲ್ಯಮಾಪನ ವ್ಯವಸ್ಥೆ ಜಾರಿಗೆ ಬರಲಿದೆ. ಸುಮಾರು ₹ 1ಕೋಟಿ ವೆಚ್ಚದಲ್ಲಿ ಡಿಜಿಟಲ್ ಮೌಲ್ಯಮಾಪನಕ್ಕೆ ಅಗತ್ಯವಿರುವ ಸೌಲಭ್ಯಗಳನ್ನು ಕಲ್ಪಿಸಿಕೊಳ್ಳಲಾಗಿದೆ. ಇನ್ನು ಮುಂದೆ ಒಂದು ಸೆಮಿಸ್ಟರ್ನ ಮೌಲ್ಯಮಾಪನ ವೆಚ್ಚ ₹1.50 ಕೋಟಿಯಿಂದ ₹ 25 ಲಕ್ಷಕ್ಕೆ ಇಳಿಯಲಿದೆ’ ಎಂದು ಅವರು ವಿವರಿಸಿದರು.

. ವಾರದೊಳಗೆ 50 ಸಾವಿರ ಅಂಕಪಟ್ಟಿ ಮುದ್ರಣ: ‘ಪದವಿ ಪ್ರಮಾಣಪತ್ರದ ಜತೆಗೆಅಂಕಪಟ್ಟಿ ಮುದ್ರಣ ಕಾರ್ಯಕ್ಕೆ ಚಾಲನೆ ನೀಡಲಾಗಿದೆ. ಒಂದು ವಾರದೊಳಗೆ 50 ಸಾವಿರ ಅಂಕಪಟ್ಟಿ ಹಾಗೂ ತಿಂಗಳೊಳಗೆ ಎಲ್ಲ 3 ಲಕ್ಷ ಅಂಕಪಟ್ಟಿಗಳನ್ನು (2018ರಿಂದೀಚೆಗೆ ಅಂಕಪಟ್ಟಿ ಮುದ್ರಿಸುವುದು ಸ್ಥಗಿತಗೊಂಡಿತ್ತು) ಮುದ್ರಿಸಿ ಆಯಾ ಕಾಲೇಜುಗಳಿಗೆ ತಲುಪಿಸಲಿದ್ದೇವೆ’ ಎಂದು ಕುಲಸಚಿವರು ತಿಳಿಸಿದರು.

. ‘ನಾನು ಇಲ್ಲಿಗೆ ಕುಲಸಚಿವನಾಗಿ ಬರುವುದಕ್ಕೆ ಮೊದಲು ಪ್ರತಿ ಅಂಕಪಟ್ಟಿ ಮುದ್ರಣಕ್ಕೆ ₹ 5.50 ದರನಿಗದಿಪಡಿಸಲಾಗಿತ್ತು. ಅದನ್ನು ಕೇವಲ ₹ 25 ಪೈಸೆಗೆ ಇಳಿಸಲಾಗಿದೆ’ ಎಂದು ಅವರು ಹೇಳಿದರು.

. ‘ಕುಲಪತಿ ಸೂಚನೆಯಿಂದಾಗಿ ಅಂಕಪಟ್ಟಿ ಕೊಟ್ಟಿಲ್ಲ’

. ‘ನ್ಯಾಷನಲ್ ಅಕಾಡೆಮಿಕ್ ಡಿಪಾಸಿಟರಿ (ಎನ್ಎಡಿ) ಮೂಲಕವೇ ಅಂಕಪಟ್ಟಿ ಒದಗಿಸಬೇಕು ಎಂಬ ಒಪ್ಪಂದ ಆಗಿದೆ. ಯಾರಿಗೂ ಅಂಕಪಟ್ಟಿ ಮುದ್ರಿಸಿ ಕೊಡಬೇಡಿ ಎಂದು ಕುಲಪತಿ ಅವರ ಕಟ್ಟುನಿಟ್ಟಿನ ಸೂಚನೆಯ ಕಾರಣಕ್ಕೇ ಎರಡು ವರ್ಷಗಳಿಂದ ಅಂಕಪಟ್ಟಿ ಮುದ್ರಿಸಿಕೊಡುತ್ತಿಲ್ಲ’ ಎಂದು ಪ್ರೊ.ಸಿ.ಶಿವರಾಜ್ ತಿಳಿಸಿದರು.

. ‘ಉನ್ನತ ಶಿಕ್ಷಣ, ವಿದೇಶದಲ್ಲಿ ವ್ಯಾಸಂಗ ಮೊದಲಾದ ಸಂದರ್ಭಗಳಲ್ಲಿ ವಿಶ್ವವಿದ್ಯಾಲಯ ಮುದ್ರಿಸಿ ಕೊಟ್ಟ ಅಂಕಪಟ್ಟಿಗೇ ಬೆಲೆ ಎಂಬ ಕಾರಣ ಹಲವರು ಅಂಕಪಟ್ಟಿ ಮುದ್ರಿಸಿ ಕೊಡಲು ಬೇಡಿಕೆ ಇಟ್ಟಿದ್ದರು. ಇದನ್ನುಕುಲಪತಿ ಅವರ ಗಮನಕ್ಕೆ ತರಲಾಗಿತ್ತು. ಹೀಗಾಗಿ ಡಿಸೆಂಬರ್ 30ರಂದು ನಡೆದ ಶೈಕ್ಷಣಿಕ ಮಂಡಳಿ ಸಭೆಯಲ್ಲಿ ಈ ವಿಷಯ ಚರ್ಚಿಸಿ ನಿರ್ಧಾರಕ್ಕೆ ಬರಲಾಗಿತ್ತು. ಆದರೆ, ಆದೇಶದ ಪ್ರತಿ ಗುರುವಾರದವರೆಗೂ ನನ್ನ ಕೈಸೇರಿರಲಿಲ್ಲ. ಅಂಕಪಟ್ಟಿಗೆ ನಿರ್ದಿಷ್ಟ ಶುಲ್ಕ ನಿಗದಿಪಡಿಸಲಾಗಿದೆ. ಅದರ ಹೊರತಾಗಿ ವಿದ್ಯಾರ್ಥಿಗಳಿಂದ ಹೆಚ್ಚುವರಿ ದುಡ್ಡು ಪಡೆದುಕೊಂಡು ಅಂಕಪಟ್ಟಿ ಮುದ್ರಿಸಲಾಗುತ್ತಿಲ್ಲ’ ಎಂದು ಪ್ರೊ.ಸಿ.ಶಿವರಾಜ್ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೌಲ್ಯಮಾಪನ ಮುಗಿದ 2 ದಿನಕ್ಕೆ ಫಲಿತಾಂಶ

ಚಿನಕುರುಳಿ Cartoon: 11 ಜುಲೈ 2025

ಚುರುಮುರಿ: ಯಾಗ-ಯೋಗ!

ದಿನ ಭವಿಷ್ಯ: ಈ ರಾಶಿಯವರಿಗೆ ಬಂಧುಗಳಿಂದ ಉಡುಗೊರೆಯ ರೂಪದಲ್ಲಿ ದ್ರವ್ಯಲಾಭ

ಚಿನಕುರುಳಿ Cartoon: 10 ಜುಲೈ 2025

ನೀರಜ್ ಚೋಪ್ರಾ, ಇತರ ಅಥ್ಲೀಟುಗಳಿಗೆ ವಿದೇಶದಲ್ಲಿ ತರಬೇತಿ

Lord's Test | ಬೂಮ್ರಾಗೆ ಐದು ವಿಕೆಟ್; 387 ರನ್‌ಗೆ ಆಲೌಟ್ ಆದ ಇಂಗ್ಲೆಂಡ್

ಟೆಸ್ಟ್‌ನಲ್ಲಿ 1,000 ರನ್: ಇಂಗ್ಲೆಂಡ್‌ಗೆ ಆಸರೆಯಾಗುತ್ತಲೇ 2 ದಾಖಲೆ ಬರೆದ ಸ್ಮಿತ್

ಭದ್ರತಾ ಪರಿಸ್ಥಿತಿ ಅವಲೋಕಿಸಿದ ಬಳಿಕ ಭಾರತಕ್ಕೆ ಹಾಕಿ ತಂಡ: ಪಾಕ್

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಚುರುಮುರಿ: ಯಾಗ-ಯೋಗ!

ದಿನ ಭವಿಷ್ಯ: ಈ ರಾಶಿಯವರಿಗೆ ಬಂಧುಗಳಿಂದ ಉಡುಗೊರೆಯ ರೂಪದಲ್ಲಿ ದ್ರವ್ಯಲಾಭ

ಚಿನಕುರುಳಿ Cartoon: 10 ಜುಲೈ 2025