‘ನಿಗದಿತ ದಿನದಂದು ಹಣ ವಾಪಸು ಬಂದಿರಲಿಲ್ಲ. ಗೂಗಲ್ನಲ್ಲಿ ದೊರೆತಿದ್ದ ಅಮೆಜಾನ್ ಸಹಾಯವಾಣಿಗೆ ದೂರುದಾರ ಕರೆ ಮಾಡಿದ್ದರು. ಆದರೆ, ಪ್ರತಿಕ್ರಿಯೆ ಬಂದಿರಲಿಲ್ಲ. ಕೆಲ ನಿಮಿಷಗಳ ನಂತರ ದೂರುದಾರರಿಗೆ ಕರೆ ಮಾಡಿದ್ದ ಆರೋಪಿ, ‘ನಾನು ಅಮೆಜಾನ್ ಪ್ರತಿನಿಧಿ. ನಿಮ್ಮ ಹಣ ವಾಪಸು ಕಳುಹಿಸುತ್ತೇನೆ. ನಾವು ಸೂಚಿಸುವ ಆ್ಯಪ್ವೊಂದನ್ನು ಮೊಬೈಲ್ನಲ್ಲಿ ಇನ್ಸ್ಟಾಲ್ ಮಾಡಿಕೊಳ್ಳಿ’ ಎಂದಿದ್ದ. ಅದನ್ನು ನಂಬಿ ದೂರುದಾರ, ಆ್ಯಪ್ ಇನ್ಸ್ಟಾಲ್ ಮಾಡಿಕೊಂಡಿದ್ದರು. ಇದಾದ ನಂತರ, ಖಾತೆಯಿಂದ ಹಂತ ಹಂತವಾಗಿ ₹ 1 ಲಕ್ಷ ವರ್ಗಾವಣೆ ಆಗಿದೆ. ಆರೋಪಿ ನಂಬರ್ ಸಹ ಸ್ವಿಚ್ ಆಫ್ ಆಗಿದೆ’ ಎಂದು ಮೂಲಗಳು ಹೇಳಿವೆ.