ವೈಟ್‌ಫೀಲ್ಡ್‌ನ ವೈದೇಹಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದ 52 ವರ್ಷದ ಮಹಿಳೆಗೆ ದಾನಿಯ ಹೃದಯ ಹೊಂದಾಣಿಕೆಯಾಗುವ ಮಾಹಿತಿ ಸಿಕ್ಕಿತ್ತು. ಇದರ ಆಧಾರದ ಮೇರೆಗೆ ಬೆಳಗಿನ ಜಾವ ಯಶವಂತಪುರದ ಸ್ಪರ್ಶ ಆಸ್ಪತ್ರೆಯಿಂದ ವೈಟ್‌ಫೀಲ್ಡ್‌ವರೆಗೆ ಪೊಲೀಸರ ನೆರವಿನಿಂದ ಗ್ರೀನ್‌ ಕಾರಿಡಾರ್‌ ಮೂಲಕ ಸಿಗ್ನಲ್ ರಹಿತಗೊಳಿಸಿ ಹೃದಯವನ್ನು ಸಾಗಿಸಲಾಯಿತು. ಮೂತ್ರಕೋಶವನ್ನು ಸ್ಪರ್ಶ ಆಸ್ಪತ್ರೆಯಲ್ಲಿಯೇ ದಾಖಲಾಗಿದ್ದ ರೋಗಿಗೆ ಹಾಗೂ ಕಾರ್ನಿಯಾವನ್ನು ನಾರಾಯಣ ನೇತ್ರಾಲಯಕ್ಕೆ ರವಾನಿಸಲಾಯಿತು. ಈ ತಂಡದಲ್ಲಿ ಡಾ. ಮ್ಯಾಥ್ಯೂ ಜೇಕಬ್, ಡಾ.ರೆಹಾನ್, ಡಾ. ಟಿ.ಎಸ್‌.ಅವಿನಾಶ್ ಇದ್ದರು.
