ಬೆಂಗಳೂರು: ಎಚ್ಎಎಲ್ ಬಳಿಯ ಕಟ್ಟಡವೊಂದರ ಮಹಡಿಯಿಂದ ಬಿದ್ದು ರಾಜ್ಕುಮಾರ್ ಎಂಬುವರು ಮೃತಪಟ್ಟಿದ್ದಾರೆ.
‘ಬಿಹಾರದ ರಾಜ್ಕುಮಾರ್, ನಗರದ ಹೋಟೆಲೊಂದರಲ್ಲಿ ಅಡುಗೆ ಕೆಲಸ ಮಾಡುತ್ತಿದ್ದರು. ಪೇಯಿಂಗ್ ಗೆಸ್ಟ್‌ ಕಟ್ಟಡದಲ್ಲಿ ಉಳಿದುಕೊಂಡಿದ್ದರು’ ಎಂದು ಎಚ್ಎಎಲ್ ಪೊಲೀಸರು ಹೇಳಿದರು.
‘ಕೊಠಡಿಯಲ್ಲಿದ್ದ ರಾಜ್ಕುಮಾರ್ ಅವರ ಮೊಬೈಲ್‌ಗೆ ಭಾನುವಾರ ರಾತ್ರಿ ಕರೆ ಬಂದಿತ್ತು. ಮಾತನಾಡುತ್ತಲೇ ಅವರು ಕಟ್ಟಡದ ಮೂರನೇ ಮಹಡಿಗೆ ಹೋಗಿದ್ದರು.ಮೊಬೈಲ್‌ನಲ್ಲಿ ಮಾತನಾಡುತ್ತಿದ್ದಾಗಲೇ ಆಯತಪ್ಪಿ ಬಿದ್ದಿದ್ದರು. ಈ ಬಗ್ಗೆ ಪ್ರತ್ಯಕ್ಷದರ್ಶಿಯೊಬ್ಬರು ಹೇಳಿಕೆ ನೀಡಿದ್ದಾರೆ’ ಎಂದು ವಿವರಿಸಿದರು.
