ಬೆಂಗಳೂರು: ದೇಶದಲ್ಲಿರುವ ಭಾರತೀಯ ಮ್ಯಾನೇಜ್ಮೆಂಟ್ ಸಂಸ್ಥೆಗಳಿಗೆ (ಐಐಎಂ) ಪ್ರವೇಶ ಪಡೆಯುವ ಸಲುವಾಗಿ ಸಾಮಾನ್ಯ ಪ್ರವೇಶ ಪರೀಕ್ಷೆ (ಸಿಎಟಿ) ನವೆಂಬರ್ 24ರಂದು ನಡೆಯಲಿದೆ.
ಈ ಬಾರಿ ಕೋಚಿಕೋಡ್ ಐಐಎಂ ಈ ಸಿಎಟಿ ಪರೀಕ್ಷೆಯ ಸಂಚಾಲಕತ್ವ ವಹಿಸಿಕೊಂಡಿದೆ. ಇದೇ 28ರಂದು ಸಾರ್ವಜನಿಕ ನೋಟಿಸ್ ಮೂಲಕ ಸಿಎಟಿ ದಿನಾಂಕವನ್ನು ಅಧಿಕೃತವಾಗಿ ಪ್ರಕಟಿಸಲಾಗುವುದು.
ಆಗಸ್ಟ್ 7ರಿಂದ ಸಿಎಟಿಗೆ ನೋಂದಣಿ ಆರಂಭವಾಗಲಿದೆ. ಸೆ.18ರಂದು ಅದು ಅಂತ್ಯಗೊಳ್ಳಲಿದೆ. ದೇಶದ 156 ನಗರಗಳಲ್ಲಿ ಸಿಎಟಿ ನಡೆಯಲಿದೆ ಎಂದು ಸಿಎಟಿ 2019ರ ಸಂಚಾಲಕ ಪ್ರೊ.ಸುಭಾಶಿಶ್ ದೇವ್ ಹೇಳಿದ್ದಾರೆ.