ಬೆಂಗಳೂರು: ಬೆಂಗಳೂರು– ಮೈಸೂರು ನಡುವೆ ಸಂಚರಿಸುತ್ತಿದ್ದ ಮೆಮು ರೈಲಿನ (06575 / 06576) ವೇಳಾಪಟ್ಟಿಯನ್ನು ಪರಿಷ್ಕರಿಸಲಾಗಿದೆ. ಇದುವರೆಗೆ ಈ ರೈಲುಗಳು ವಾರಕ್ಕೆ ನಾಲ್ಕು ದಿನಗಳ ಕಾಲ ಸಂಚರಿಸುತ್ತಿದ್ದವು. ಮುಂದೆ ಆರು ದಿನ ಸಂಚರಿಸಲಿವೆ. ಮಾರ್ಚ್ 18ರ ಬಳಿಕ ಸೋಮವಾರದಿಂದ ಶನಿವಾರದವರೆಗೆ ಈ ರೈಲುಗಳ ಸಂಚಾರ ಇರಲಿದೆ.
ಬೆಂಗಳೂರಿನಿಂದ ಮೈಸೂರಿಗೆ ತೆರಳುವ ರೈಲು (06575) ನಗರದಿಂದ ಸಂಜೆ 5.20ಕ್ಕೆ ಹೊರಡಲಿದೆ. (ಇದುವರೆಗೆ ಈ ರೈಲು 8.20ಕ್ಕೆ ಹೊರಡುತ್ತಿತ್ತು.) ರಾತ್ರಿ 7.50ಕ್ಕೆ ಮೈಸೂರು ತಲುಪಲಿದೆ. (ಈ ಮೊದಲು 10.40ಕ್ಕೆ ತಲುಪುತ್ತಿತ್ತು)
ಮೈಸೂರಿನಿಂದ ಬೆಂಗಳೂರಿಗೆ ಬರುವ ರೈಲು (06576) ರಾತ್ರಿ 8.30ಕ್ಕೆ ಹೊರಟು 11.35ಕ್ಕೆ ನಗರ ತಲುಪಲಿದೆ. (ಇದುವರೆಗೆ ಈ ರೈಲು ರಾತ್ರಿ 11.05ಕ್ಕೆ ಹೊರಡುತ್ತಿತ್ತು)
ಬೆಂಗಳೂರು ರಾಮನಗರ ನಡುವೆ ಸಂಚರಿಸುತ್ತಿದ್ದ (66539 / 66540) ರೈಲುಗಳನ್ನು ಮಾರ್ಚ್ 18ರಿಂದ ತಾತ್ಕಾಲಿಕವಾಗಿ ರದ್ದುಗೊಳಿಸಲಾಗುವುದು ಎಂದು ರೈಲ್ವೆ ಪ್ರಕಟಣೆ ತಿಳಿಸಿದೆ.
