ಬೆಂಗಳೂರು ಮೆಟ್ರೊ ಪ್ರಯಾಣದರ ಏರಿಕೆ ಶೀಘ್ರ?

‘ದರ ನಿಗದಿ ಸಮಿತಿಯು ವರದಿ ಸಲ್ಲಿಸಿದೆ. ಮಂಡಳಿ ಸಭೆ ನಡೆಯುವವರೆಗೆ ದರ ಹೆಚ್ಚಳ ಆಗುತ್ತಾ? ಆಗುವುದಿದ್ದರೆ ಎಷ್ಟು? ಯಾವಾಗಿನಿಂದ ಎಂದೆಲ್ಲ ಈಗಲೇ ಹೇಳಲು ಸಾಧ್ಯವಿಲ್ಲ. ಸಭೆ ನಡೆದ ಬಳಿಕ ಅಧಿಕೃತವಾಗಿ ಮಾಹಿತಿ ನೀಡಲಾಗುವುದು’ ಎಂದು ಬಿಎಂಆರ್‌ಸಿಎಲ್‌ ವ್ಯವಸ್ಥಾಪಕ ನಿರ್ದೇಶಕ ಎಸ್‌. ಮಹೇಶ್ವರ ರಾವ್‌ ಪ್ರತಿಕ್ರಿಯಿಸಿದ್ದಾರೆ.

ನಮ್ಮ ಮೆಟ್ರೊದಲ್ಲಿ ಹಲವು ಅನಗತ್ಯ ವೆಚ್ಚಗಳಿವೆ. ಅದಕ್ಕೆಲ್ಲ ಕಡಿವಾಣ ಹಾಕಿದರೆ, ನಿರ್ವಹಣೆಯ ಹೆಸರಲ್ಲಿ ಮಾಡುತ್ತಿರುವ ವೆಚ್ಚದಲ್ಲಿ ಪ್ರತಿ ತಿಂಗಳು ₹2 ಕೋಟಿ ಕಡಿಮೆ ಮಾಡಬಹುದು. ಆಗ ಮೆಟ್ರೊ ಪ್ರಯಾಣ ದರವನ್ನು ಏರಿಸಬೇಕಿಲ್ಲ. ಏರಿಕೆ ಮಾಡಲೇಬೇಕಿದ್ದರೆ ₹5ರಿಂದ ₹10ರ ಒಳಗೆ ಏರಿಸಬಹುದು ಎಂದು ಮೆಟ್ರೊ ಎಂಪ್ಲಾಯಿಸ್‌ ಯೂನಿಯನ್‌ ಉಪಾಧ್ಯಕ್ಷ ಸೂರ್ಯನಾರಾಯಣ ಮೂರ್ತಿ ತಿಳಿಸಿದರು.