ಬೆಂಗಳೂರು: ‘85ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಸರ್ವಾಧ್ಯಕ್ಷರುಕಲ್ಯಾಣ ಕರ್ನಾಟಕದವರೇ ಆಗಬೇಕೋ ಅಥವಾ ಹೊರಗಿನವರು ಆಗಬೇಕೋ ಎಂಬ ಬಗ್ಗೆ ಈಗಲೇ ಏನನ್ನೂ ಹೇಳಲಾರೆ’ ಎಂದು ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷರು ಹೇಳಿದ್ದಾರೆ (ಪ್ರ.ವಾ., ನ. 13).
ಹಾಗೊಂದು ವೇಳೆ, ಕಲ್ಯಾಣ ಕರ್ನಾಟಕ ಅಥವಾ ರಾಜ್ಯದ ಇತರ ಭಾಗದವರು ಎಂದು ಗುರುತಿಸಿ ಸರ್ವಾಧ್ಯಕ್ಷರನ್ನು ಆಯ್ಕೆ ಮಾಡುವುದೇ ಆದರೆ, ಅಖಂಡ ಕರ್ನಾಟಕ ಎನ್ನುವ ಮಾತಿಗೆ ಅರ್ಥವಿರುತ್ತದೆಯೇ?
ಉತ್ತರದವರು, ದಕ್ಷಿಣದವರು ಎನ್ನುವ ತಾರತಮ್ಯ ಸರಿಯಲ್ಲ. ಸಮಗ್ರ ಕರ್ನಾಟಕದ ಪರವಾಗಿ ಹೇಳಿಕೆಗಳು ಬರಲಿ. ಅರ್ಹ ವ್ಯಕ್ತಿ ಯಾವುದೇ ಪ್ರದೇಶದವರಾಗಿದ್ದರೂ ಅವರು ಕರ್ನಾಟಕದವರೇ ಆಗಿರುತ್ತಾರಲ್ಲವೇ? ಸಾಹಿತ್ಯ ಸಮ್ಮೇಳನಗಳು ಯಾವುದೇ ಹಿತಾಸಕ್ತಿಗೆ ಒಳಗಾಗದೆ ಸ್ಥಿತಪ್ರಜ್ಞೆ ಕಾಯ್ದುಕೊಳ್ಳಲಿ.
