ದಲಿತರಲ್ಲಿ ಸಂಯಮ–ಸಮರ್ಥ ನಾಯಕತ್ವ ಬೆಳೆಯಲಿ: ಪ್ರಸನ್ನ

ಲೇಖಕ ಮೂಡ್ನಾಕೂಡು ಚಿನ್ನ ಸ್ವಾಮಿ 65ರ ಸಂಭ್ರಮ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು,'ಸಮಾಜ ಒಳ್ಳೆಯ ಮತ್ತು ಕೆಟ್ಟ ಎರಡೂ ರೀತಿಯಲ್ಲಿ ಬದಲಾಗಿದೆ. ಆದರೆ, ಈ ಬದಲಾವಣೆಯನ್ನು ನಿರ್ವಹಿಸುವಲ್ಲಿ ನಾವು ಸೋತಿದ್ದೇವೆ ಎನಿಸುತ್ತದೆ’ ಎಂದರು.

‘ಪೇಟೆ ಮತ್ತು ಹಳ್ಳಿಗಳ ನಡುವೆ ಕೊಡುಕೊಳ್ಳುವ ಸಂಬಂಧ ಇಲ್ಲದೇ ಹೋದರೆ ಈ ದೇಶ ಎಂದಿಗೂ ಉದ್ಧಾರ ಆಗುವುದಿಲ್ಲ. ಇಂತಹ ಕೊಡುಕೊಳ್ಳುವ ಸಂಬಂಧ ಮುಂದುವರಿದ ದಲಿತರು ಮತ್ತು ಹಿಂದುಳಿದ ದಲಿತರ ನಡು ವೆಯೂ ನಡೆಯಬೇಕಾದ ಅಗತ್ಯವಿದೆ’ ಎಂದರು.

ಚಿಂತಕ ಇಂದೂಧರ ಹೊನ್ನಾಪುರ, ‘ದಲಿತರು ತಮ್ಮ ಬಲಿಪಶುತ್ವವನ್ನು ಈಗಲೂ ವೈಭವೀಕರಿಸುವುದು ಆತ್ಮವಂಚನೆ. ಮೂಡ್ನಾಕೂಡು ಚಿನ್ನ ಸ್ವಾಮಿ ಯಾವತ್ತೂ ತಮ್ಮ ಸಾಹಿತ್ಯದಲ್ಲಿ ಇದನ್ನು ಮಾಡಲಿಲ್ಲ. ಆದರೆ ದಲಿತ ಸಾಹಿತ್ಯದ ಇತರರ ಕೃತಿಗಳಿಗಿಂತ ಅವರ ಕಾವ್ಯ ಹೆಚ್ಚು ಪರಿಣಾಮಕಾರಿಯಾಗಿದೆ’ ಎಂದರು. ಸುಭಾಷ್‌ ರಾಜಮಾನೆ ಸಂಪಾದಿಸಿದ ‘ಬಹುತ್ವ ಕಥನ’ ಪುಸ್ತಕ ಬಿಡುಗಡೆ ಮಾಡಲಾಯಿತು.