ಜೆ.ಜೆ. ನಗರದ ನಿವಾಸಿ ಅಸ್ಲಂ ಪಾಷಾ, ಸಹಚರರ ಜೊತೆ ಸೇರಿ ಕೃತ್ಯ ಎಸಗಿದ್ದ. ಆತನಿಂದ ₹ 30.54 ಲಕ್ಷ ನಗದು ಹಾಗೂ ದ್ವಿಚಕ್ರ ವಾಹನ ಜಪ್ತಿ ಮಾಡಲಾಗಿದೆ. ಇನ್ನೊಬ್ಬ ಆರೋಪಿ ತಲೆಮರೆಸಿಕೊಂಡಿದ್ದಾನೆ. ‘ನ. 9ರಂದು ರಾತ್ರಿ ಮಾಮೂಲ್ಪೇಟೆಯಲ್ಲಿರುವ ಮೆಹ್ತಾ ಪ್ಲಾಜಾ ಬಳಿ ವ್ಯಕ್ತಿಯೊಬ್ಬರಿಂದ ₹ 37.80 ಲಕ್ಷ ಪಡೆದಿದ್ದ ಬಟ್ಟೆ ವ್ಯಾಪಾರಿ, ಅದನ್ನು ತಮ್ಮ ದ್ವಿಚಕ್ರ ವಾಹನದ ಡಿಕ್ಕಿಯಲ್ಲಿ ಇಡುತ್ತಿದ್ದರು. ಅದೇ ವೇಳೆ ಸ್ಥಳಕ್ಕೆ ಬಂದ ಆರೋಪಿಗಳು, ಕಬ್ಬಿಣದ ರಾಡ್ಗಳನ್ನು ತೋರಿಸಿ ಕೊಲೆ ಬೆದರಿಕೆಯೊಡ್ಡಿದ್ದರು’ ಎಂದು ಪೊಲೀಸರು ತಿಳಿಸಿದರು.