ಬೆಂಗಳೂರು: ರಂಗ ಬದುಕು ಟ್ರಸ್ಟ್ ಏ.5ರಂದು ಸಂಜೆ 4 ಗಂಟೆಗೆ ಜೆ.ಸಿ. ರಸ್ತೆಯಲ್ಲಿರುವ ರವೀಂದ್ರ ಕಲಾಕ್ಷೇತ್ರದಲ್ಲಿ ಹೆಲನ್ ಮೈಸೂರು ಅಭಿನಯದ ‘ಥೆರೇಸಮ್ಮ’ ಏಕವ್ಯಕ್ತಿ ರಂಗ ಪ್ರಯೋಗ ಹಮ್ಮಿಕೊಂಡಿದೆ.
ಈ ನಾಟಕವನ್ನು ಬೇಲೂರು ರಘುನಂದನ್ ರಚಿಸಿ, ನಿರ್ದೇಶಿಸಿದ್ದಾರೆ. ಹೆಲನ್ ಮೈಸೂರು ಅವರು ‘ವಾಲ್ಮೀಕಿ ರಾಮಾಯಣ’ ರಂಗ ಪ್ರಯೋಗದಲ್ಲಿ ಮೂರು ಗಂಟೆಗಳ ಅವಧಿಯಲ್ಲಿ 111 ಪಾತ್ರಗಳನ್ನು ನಿರ್ವಹಿಸಿ, ಮೂರು ವಿಶ್ವ ದಾಖಲೆಗಳನ್ನು ನಿರ್ಮಿಸಿದ್ದರು.
‘ಮದರ್ ಥೆರೇಸಾ ಅವರ ನಿಸ್ವಾರ್ಥ ಸಮಾಜಸೇವೆಗೆ ನೋಬೆಲ್ ಶಾಂತಿ ಪ್ರಶಸ್ತಿ ಸಂದಿದೆ. ಭಾರತ ಸರ್ಕಾರವೂ ದೇಶದ ಅತ್ಯುನ್ನತ ಪ್ರಶಸ್ತಿಯಾದ ‘ಭಾರತರತ್ನ’ ನೀಡಿ ಗೌರವಿಸಿದೆ. ಅವರ ಬಗೆಗಿನ ನಾಟಕವನ್ನು ಕನ್ನಡದಲ್ಲಿ ಪ್ರಯೋಗ ಮಾಡಲಾಗುತ್ತಿದೆ’ ಎಂದು ಹೆಲನ್ ಮೈಸೂರು ತಿಳಿಸಿದ್ದಾರೆ.
ಪಾಸ್‌ಗಳಿಗೆ ಸಂಪರ್ಕ ಸಂಖ್ಯೆ: 8197137309 ಅಥವಾ 8088057919
