‘ಪಾಕಿಸ್ತಾನದಲ್ಲಿ 1948ರಲ್ಲಿ ಉರ್ದುವನ್ನು ರಾಷ್ಟ್ರ ಭಾಷೆಯೆಂದು ಘೋಷಿಸಲಾಯಿತು. ಬಂಗಾಳಿ ಭಾಷೆ ಬಳಸುತ್ತಿದ್ದ ಪೂರ್ವ ಪಾಕಿಸ್ತಾನದಲ್ಲಿ (ಬಾಂಗ್ಲಾ) ಇದಕ್ಕೆ ಪ್ರತಿರೋಧ ವ್ಯಕ್ತವಾಯಿತು. ಕಲಿಕೆಯಲ್ಲಿ ಹಾಗೂ ನೋಟುಗಳಲ್ಲಿ ಬಂಗಾಳಿ ಭಾಷೆಗೂ ಮಾನ್ಯತೆ ಸಿಗಬೇಕು ಎಂಬ ಒತ್ತಾಯ ಕೇಳಿಬಂತು. ವಿದ್ಯಾವಂತ ಬಂಗಾಳಿಗಳು ಉದ್ಯೋಗ ವಂಚಿತರಾಗುತ್ತಾರೆ ಎಂಬ ಕೂಗೆದ್ದಿತು. ಇದು ಭಾಷಾ ಆಧಾರದಲ್ಲಿ ಪಾಕಿಸ್ತಾನ ವಿಭಜನೆ ಹೊಂದುವುದಕ್ಕೆ ನಾಂದಿ ಹಾಡಿತು’ ಎಂದು ಅವರು ವಿವರಿಸಿದರು.