ಕುಸಿದ ಸ್ಲ್ಯಾಬ್; ಅಧಿಕಾರಿಗಳ ಸುಳಿವಿಲ್ಲ

ರಸ್ತೆಯನ್ನೇ ಮಳೆನೀರು ಕಾಲುವೆಯಾಗಿ ಮಾಡಿರುವುದರಿಂದ ಚಪ್ಪಡಿ ಕಲ್ಲುಗಳಿಂದ ಮುಚ್ಚಿರುವ ಸ್ಲ್ಯಾಬ್ ಕುಸಿದುಬಿದ್ದು ಸಂಚಾರಕ್ಕೆ ಅಡ್ಡಿಯಾಗಿದೆ. ರಾತ್ರಿ ವೇಳೆ ಹಾಗೂ ಮಳೆ ಬಂದಾಗ ಅನಾಹುತ ಸಂಭವಿಸುವ ಸಾಧ್ಯತೆಯನ್ನು ತಳ್ಳಿಹಾಕುವಂತಿಲ್ಲ ಎಂದು ನಿವಾಸಿಗಳು ಹೇಳಿದರು.

2005ರಲ್ಲಿ ನೆರೆ ಸಂಭವಿಸಿ ಇಡೀ ಪ್ರದೇಶ ಮುಳುಗಡೆಯಾಗಿತ್ತು. ಆಗ ನೆರೆತಪ್ಪಿಸಲು ರಸ್ತೆಯಲ್ಲೇ ಮಳೆ ನೀರು ಕಾಲುವೆ ನಿರ್ಮಿಸಿ ನೀರು ಸರಾಗವಾಗಿ ಹರಿದು ಹೋಗುವಂತೆ ಮಾಡಲಾಗಿತ್ತು.

ಬಿಬಿಎಂಪಿಯ ಸಹಾಯಕ ಎಂಜಿನಿಯರ್ ವನರಾಜು ಪ್ರತಿಕ್ರಿಯಿಸಿ, ‘ಇದು ಮಳೆನೀರು ಕಾಲುವೆ ನಿರ್ವಹಣೆ ವಿಭಾ
ಗದ ಎಂಜಿನಿಯರ್ ವ್ಯಾಪ್ತಿಗೆ ಬರುತ್ತದೆ. ಈ ಬಗ್ಗೆ ಸಂಬಂಧಿಸಿದವರಿಗೆ ಪತ್ರಮುಖೇನ ಗಮನಕ್ಕೆ ತರಲಾಗಿದೆ. ಆದರೆ, ಅವರು ಗಮನ ಹರಿಸಿಲ್ಲ’ ಎಂದರು. ‘ಒಂದು ತಿಂಗಳಿನಿಂದ ಕಲ್ಲುಗಳು ಕುಸಿದು ಬಿದ್ದಿವೆ. ಮಕ್ಕಳು ಇಲ್ಲಿಯೇ ಆಟವಾಡುತ್ತಾರೆ. ಅನಾಹುತ ಸಂಭವಿಸಿ
ದರೆ ಯಾರು ಹೊಣೆ’ ಎಂದು ಸ್ಥಳೀಯ ನಿವಾಸಿ ರವಿ ಪ್ರಶ್ನಿಸಿದರು. ಮಳೆನೀರು ಕಾಲುವೆ ನಿರ್ವಹಣೆಯ ಎಂಜಿನಿಯರ್ ತಮ್ಮಯ್ಯ ಕರೆ
ಸ್ವೀಕರಿಸಲಿಲ್ಲ.