ಬರೀ ಮಾತು ಬಂಡಾಯ ಅಲ್ಲ: ಅನಂತಮೂರ್ತಿ

ಬೆಂಗಳೂರು: ‘ಕ್ರಾಂತಿಕಾರಕ ಭಾಷಣ ಮಾಡಿಯೂ ಸರ್ಕಾರದ ಪರ ಇರಲು ಸಾಧ್ಯ. ಆದ್ದರಿಂದಲೇ ಬಂಡಾಯ ಚಳವಳಿ ಮೇಲೆ ನನ್ನದು ಮೊದಲಿನಿಂದಲೂ ವಿಶ್ಲೇಷಣೆ ಕಣ್ಣು’ ಎಂದು ಹಿರಿಯ ಸಾಹಿತಿ ಯು.ಆರ್. ಅನಂತಮೂರ್ತಿ ಹೇಳಿದರು.

ಅಂಕಿತ ಪುಸ್ತಕ ಭಾನುವಾರ ನಗರದಲ್ಲಿ ಏರ್ಪಡಿಸಿದ್ದ ಪ್ರೊ. ಬರಗೂರು ರಾಮಚಂದ್ರಪ್ಪ ಅವರ ‘ಅನುಸಂಧಾನ’ ಮತ್ತು ‘ದೇವರ ಕಣ್ಣು’ ಕೃತಿ ಬಿಡುಗಡೆ ಸಮಾರಂಭದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ‘ಕ್ರಾಂತಿಕಾರಕ ಮಾತುಗಳಿಗೆ ಸರ್ಕಾರದಲ್ಲಿ ಬೆಲೆ ಸಿಗುವಂತಾಗಬೇಕು. ಆಗಲೇ ಅದು ಸಾರ್ಥಕ ಬಂಡಾಯ’ ಎಂದು ವಿಶ್ಲೇಷಿಸಿದರು.

‘ನಾವು ರಚನೆ ಮಾಡಿದ್ದೂ ಒಂದರ್ಥದಲ್ಲಿ ಬಂಡಾಯ ಸಾಹಿತ್ಯವನ್ನೇ. ಹಾಗಿರುವಾಗ ಇದೇನು ಬಂಡಾಯ ಎಂಬ ಉಪೇಕ್ಷೆ ಇತ್ತು. ಬರವಣಿಗೆ ಯಲ್ಲಿ ಮಗ್ನನಾಗಿದ್ದಾಗ ಬೇರೆಯವರ ಸಾಹಿತ್ಯ ಕೃಷಿಯನ್ನು ಸರಿಯಾಗಿ ಗಮನಿಸಲಿಲ್ಲ. ಬರಗೂರರ ಸಾಹಿತ್ಯದ ವಿಷಯವಾಗಿಯೂ ಈ ತಪ್ಪು ಆಗಿದೆ’ ಎಂದು ಹೇಳಿದರು.

‘ಪಶ್ಚಿಮದ ದೇಶಗಳಲ್ಲಿ ಸಮಾಜ ಸ್ವಚ್ಛಂದವಾಗಿದ್ದು, ಸರ್ಕಾರಗಳ ನಿರ್ಬಂಧ ಹೆಚ್ಚು. ನಮ್ಮಲ್ಲಿ ಸಮಾಜದ ಒಳಸುಳಿಗಳು ಹೆಚ್ಚಾಗಿದ್ದು, ಸರ್ಕಾರ ಮುಕ್ತವಾಗಿದೆ. ಈ ವಾತಾ ವರಣದಲ್ಲಿ ಬಂಡಾಯದ ಬರಹ ಮತ್ತು ಬರಹ ಗಾರರ ಆಲೋಚನೆಗೆ ನೈಜತೆ ಒದಗಬೇಕಿದೆ’ ಎಂದರು.

‘ಗುಜರಾತಿನಲ್ಲಿ ಭೂಕಂಪ ಸಂಭವಿಸಿದಾಗ ಮೊದಲು ಸೇವೆಗೆ ನಿಂತಿದ್ದು ಆರ್ಎಸ್ಎಸ್ ಸ್ವಯಂ ಸೇವಕರು. ಸಿಕ್ಕ ಬಂಗಾರವನ್ನು ಅವರು ಸಂತ್ರಸ್ತರಿಗೆ ಕೊಡಲಿಲ್ಲ ವಂತೆ; ಅದು ಬೇರೆ ಮಾತು. ನಮ್ಮ ಎಸ್ಎಫ್ಐ ಹುಡುಗರಿಗೆ ಸಂಘಟನೆ ಸೇರಿ ವರ್ಷದೊಳಗೆ ಕುರ್ಚಿ ಹಿಡಿಯುವ ಹಪಾಹಪಿ. ಸಮಾಜದ ನೋವಿಗೆ ಸ್ಪಂದಿಸುವ ತಂಡ ಬೇಕಲ್ಲವೇ’ ಎಂದು ಪ್ರಶ್ನೆ ಹಾಕಿದರು.

‘ಮಾತಿಗೆ ಬಂಡಾಯದ ಗುಣ ಬರುವುದಾದರೂ ಹೇಗೆ’ ಎಂದು ಪ್ರಶ್ನಿಸಿದ ಅವರು, ‘ಬರಗೂರರ ಮಾತನ್ನು ಕೇಳುವ ದೊಡ್ಡ ಸಮುದಾಯವೇ ಇದೆ. ಸಮಾಜಕ್ಕೆ ಮಿಡಿಯುವ ಯುವಪಡೆಯೊಂದನ್ನು ಅವರು ಕಟ್ಟಬೇಕಿತ್ತು’ ಎಂದು ಅಭಿಪ್ರಾಯಪಟ್ಟರು.

ಕೃತಿಗಳ ಬಗ್ಗೆ ಮಾತನಾಡಿದ ಭಾಷಾ ವಿದ್ವಾಂಸ ಕೆ.ವಿ. ನಾರಾಯಣ, ‘ಗುರುತು– ಗುರಿ ಇಲ್ಲದೆ ಮಾತು ಮತ್ತು ಬರಹ ಚರ್ಮದ ನಾಣ್ಯಗಳಂತೆ ಬೆಲೆ ಕಳೆದುಕೊಂಡಿದ್ದರಿಂದ ಭಾಷೆಗೆ ಮತ್ತೊಂದು ಬಿಕ್ಕಟ್ಟು ಎದುರಾಗಿದೆ’ ಎಂದು ವಿಷಾದಿಸಿದರು.

‘ವಿದ್ಯುನ್ಮಾನ ಮಾಧ್ಯಮದಿಂದ ಒತ್ತಡ ವಿಪರೀತವಾಗಿ ಹೆಚ್ಚಿದ್ದು, ಆ ಕ್ಷಣವೇ ಎಲ್ಲವೂ ತೀರ್ಮಾನವಾಗಬೇಕು ಎಂಬ ಹಟ ಎದ್ದು ಕಾಣುತ್ತಿದೆ. ಕಪ್ಪು–ಬಿಳುಪು ನಡುವಿನ ನೂರಾರು ಬಣ್ಣಗಳು ಯಾರಿಗೂ ಬೇಡವಾಗಿವೆ. ಇಂತಹ ಸಂದರ್ಭದಲ್ಲಿ ಅಭಿಪ್ರಾಯ ರೂಪಿಸುವ ಕೈಂಕರ್ಯದಲ್ಲಿ ತೊಡಗಲು ಧೈರ್ಯಬೇಕು. ಬರಗೂರು ಆ ಕೆಲಸವನ್ನು ಸಮರ್ಥವಾಗಿ ಮಾಡಿಕೊಂಡು ಬಂದಿದ್ದಾರೆ’ ಎಂದು ತಿಳಿಸಿದರು.

ಪ್ರಾಸ್ತಾವಿಕವಾಗಿ ಮಾತನಾಡಿದ ಬರಗೂರು, ‘ಕಳೆದ ಎರಡೂವರೆ ವರ್ಷಗಳಿಂದ ನನ್ನ ಯಾವುದೇ ಕೃತಿ ಬಂದಿರಲಿಲ್ಲ. ಸಾಹಿತ್ಯಾಸಕ್ತರಿಗೆ ಇದೊಂದು ಸಂತೋಷದ ಸಂಗತಿಯಾಗಿತ್ತು’ ಎಂದು ಚಟಾಕಿ ಹಾರಿಸಿದರು. ‘ರಾಜಕೀಯ ಸಂಕುಚಿತಗಳನ್ನು ಮೀರಿ ಬೆಳೆದವರು ಎಸ್.ಎಂ.ಕೃಷ್ಣ. ವಾಗ್ವಾದಗಳನ್ನು ಬೆಳೆಸಿದವರು ಅನಂತಮೂರ್ತಿ’ ಎಂದು ಕೊಂಡಾಡಿದರು.

‘ಹಿಂದೊಮ್ಮೆ ಪುಸ್ತಕ ಬಿಡುಗಡೆಗೆ ಕರೆದಾಗ ಅನಂತಮೂರ್ತಿ ಬಂದಿರಲಿಲ್ಲ. ಅದೇ ಸಿಟ್ಟಿನಿಂದ ಮತ್ತೆ ಕರೆದಿರಲಿಲ್ಲ. ಇಂತಹ ಅಭಿಪ್ರಾಯಗಳನ್ನು ಅವರ ಮುಂದೆ ಮುಕ್ತವಾಗಿ ಹಂಚಿಕೊಳ್ಳಬಲ್ಲಷ್ಟು ಅನಂತಮೂರ್ತಿ ದೊಡ್ಡವರು’ ಎಂದು ಹೇಳಿದರು.

ಬಿಡುಗಡೆಯಾದ ಕೃತಿಗಳು ಅನುಸಂಧಾನ (ಪುಸ್ತಕಾವಲೋಕನ ಸಂಕಲನ) ಬೆಲೆ: ₨ 295 ದೇವರ ಗುಟ್ಟು (ಸಾಮಾಜಿಕ ಸಂಗತಿಗಳ ಸಂಕಥನ) ಬೆಲೆ: ₨150

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬರೀ ಮಾತು ಬಂಡಾಯ ಅಲ್ಲ: ಅನಂತಮೂರ್ತಿ

ಚಿನಕುರುಳಿ: ಮಂಗಳವಾರ, 23 ಡಿಸೆಂಬರ್ 2025

ಚುರುಮುರಿ: ಹೊಸ ಬ್ಲಡ್ಡು

ಗುಂಡಣ್ಣ: ಸೋಮವಾರ, 22 ಡಿಸೆಂಬರ್ 2025

ಚಿನಕುರುಳಿ: ಸೋಮವಾರ, 22 ಡಿಸೆಂಬರ್ 2025

ಜೀವ ಉಳಿಸಿಕೊಳ್ಳಲು ಓಡಿದ್ದೆ: ಮೆಸ್ಸಿ ಕೋಲ್ಕತ್ತ ಭೇಟಿ ವೇಳೆ ಪಾಲ್ಗೊಂಡ ಗಾಯಕ

ಮೈ ಕೊರೆಯುವ ಚಳಿಯಲ್ಲಿ ರೈಲಿನ ಶೌಚಾಲಯದ ಬಳಿ ಕುಳಿತು ಬಾಲ ಕುಸ್ತಿಪಟುಗಳ ಪ್ರಯಾಣ!

ನೀರಜ್ ಚೋಪ್ರಾ ಭೇಟಿಯಾದ ಮೋದಿ; ಕ್ರೀಡಾ ವಿಚಾರಗಳ ಕುರಿತು ಚರ್ಚೆ ಎಂದ ಪಿಎಂ

Vijay Hazare: ಚಿನ್ನಸ್ವಾಮಿ ಪಂದ್ಯ ಬಿಸಿಸಿಐ ಶ್ರೇಷ್ಠತಾ ಕೇಂದ್ರಕ್ಕೆ ಸ್ಥಳಾಂತರ

ಒಳನೋಟ: ಹಾವೇರಿಯ ಬೀಜ ಕ್ರಾಂತಿ, ಚಿಗುರಿದ ಆರ್ಥಿಕತೆ

ಒಳನೋಟ | ಯುಕೆಪಿಗೆ ಇಚ್ಛಾಶಕ್ತಿ ಕೊರತೆ

ಒಳನೋಟ | ನಿಗಮ– ಮಂಡಳಿಗಳು: ಸರ್ಕಾರ ಸಾಕುವ ಬಿಳಿಯಾನೆ

ಒಳನೋಟ: ಖಾಲಿಯಿವೆ ಬಿ.ಇ ಸೀಟು!

ಚಿನಕುರುಳಿ: ಮಂಗಳವಾರ, 23 ಡಿಸೆಂಬರ್ 2025

ಚುರುಮುರಿ: ಹೊಸ ಬ್ಲಡ್ಡು

ಗುಂಡಣ್ಣ: ಸೋಮವಾರ, 22 ಡಿಸೆಂಬರ್ 2025

ಚಿನಕುರುಳಿ: ಸೋಮವಾರ, 22 ಡಿಸೆಂಬರ್ 2025