ಬಕ್ರಿದ್: ಪ್ರಾಣಿಗಳ ವಧೆ ಕಾನೂನು ಬಾಹೀರ– ಜಿಲ್ಲಾಧಿಕಾರಿ

7

ಬಕ್ರಿದ್: ಪ್ರಾಣಿಗಳ ವಧೆ ಕಾನೂನು ಬಾಹೀರ– ಜಿಲ್ಲಾಧಿಕಾರಿ

Published:
Updated:

ಬೀದರ್: ಆಗಸ್ಟ್ 22 ರಂದು ನಡೆಯಲಿರುವ ಬಕ್ರಿದ್ ಸಂದರ್ಭದಲ್ಲಿ ಒಂಟೆ, ಹಸು ಹಾಗೂ ಕರುಗಳ ಅಕ್ರಮ ಸಾಗಣೆ, ವಧೆ, ಮಾರಾಟ ಹಾಗೂ ಖರೀದಿ ಮಾಡುವುದು ಕಾನೂನು ಬಾಹೀರವಾಗಿದೆ ಎಂದು ಜಿಲ್ಲಾಧಿಕಾರಿ ಡಾ. ಎಚ್.ಆರ್. ಮಹಾದೇವ ತಿಳಿಸಿದ್ದಾರೆ.

ಒಂಟೆ, ಹಸು ಹಾಗೂ ಕರುಗಳ ಸಾಗಾಣಿಕೆ, ವಧೆ, ಮಾರಾಟ ಹಾಗೂ ಖರೀದಿಯನ್ನು ತಡೆಯಲು ಕ್ರಮ ಕೈಗೊಳ್ಳಲಾಗಿದೆ. ಜಿಲ್ಲೆಯ ವ್ಯಾಪ್ತಿಯಲ್ಲಿ ಚೆಕ್‌ಪೋಸ್ಟ್‌ಗಳನ್ನು ತೆರೆಯಲಾಗಿದೆ ಎಂದು ಹೇಳಿದ್ದಾರೆ.

ದಿ ಕರ್ನಾಟಕ ಪ್ರಿವೆನ್ಶನ್ ಆಫ್ ಕೌ ಸ್ಲೌಟರ್ ಆ್ಯಂಡ್ ಕ್ಯಾಟಲ್ ಪ್ರಿವೆನ್ಶನ್ ಆ್ಯಕ್ಟ್ 1964 ರ ಪ್ರಕಾರ ಯಾವುದೇ ಆಚರಣೆ ಹೆಸರಲ್ಲಿ ಒಂಟೆ, ಹಸು ಹಾಗೂ ಕರುಗಳನ್ನು ವಧೆ ಮಾಡುವುದು, ವಧೆ ಮಾಡಲು ಪ್ರೇರೇಪಿಸುವುದು ಹಾಗೂ ವಧೆ ಉದ್ದಿಮೆ ನಡೆಸುವುದನ್ನು ಸಂಪೂರ್ಣ ನಿಷೇಧಿಸಲಾಗಿದೆ ಎಂದು ತಿಳಿಸಿದ್ದಾರೆ.

ಪ್ರಿವೆನ್ಶನ್ ಆಫ್ ಕ್ರ್ಯೂಲ್ಟಿ ಟು ಎನಿಮಲ್ಸ್ ಆ್ಯಕ್ಟ್ 1960 ಮತ್ತು ಟ್ರಾನ್ಸ್‌ಪೋರ್ಟ್ ಆಫ್ ಎನಿಮಲ್ ರೂಲ್ಸ್ 1978 ಪ್ರಕಾರ ಯಾವುದೇ ಪ್ರಾಣಿ, ಒಂಟೆ, ಹಸು ಹಾಗೂ ಕರುಗಳನ್ನು ವಧೆ ಮಾಡುವ ಉದ್ದೇಶದಿಂದ ಸಾಗಿಸುವುದನ್ನು ನಿಷೇಧಿಸಲಾಗಿದೆ. ದಿ ಕರ್ನಾಟಕ ಪ್ರಿವೆನ್ಶನ್ ಆಫ್ ಕೌ ಸ್ಲೌಟರ್ ಆ್ಯಂಡ್ ಕ್ಯಾಟಲ್ ಪ್ರಿವೆನ್ಶನ್ ಆ್ಯಕ್ಟ್ 1964 ರ ಪ್ರಕಾರ ಒಂಟೆ, ಹಸು, ಕರುಗಳನ್ನು ವಧೆ ಮಾಡಿದ ಮಾಂಸವನ್ನು ಯಾವುದೇ ವ್ಯಕ್ತಿ ವ್ಯಾಪಾರ ಮಾಡುವುದು, ಖರೀದಿ ಮಾಡುವುದು ಹಾಗೂ ವ್ಯಾಪಾರದ ಉದ್ದೇಶದಿಂದ ವಧೆ ಮಾಡುವುದನ್ನು ನಿಷೇಧಿಸಲಾಗಿದೆ ಎಂದು ಹೇಳಿದ್ದಾರೆ.

ಕಾಯ್ದೆ ಉಲ್ಲಂಘಿಸಿದವರ ವಿರುದ್ಧ ಪ್ರಕರಣ ದಾಖಲು ಮಾಡಲಾಗುವುದು. ಕಾನೂನು ಉಲ್ಲಂಘಿಸಿದವರಿಗೆ ಆರು ತಿಂಗಳ ಜೈಲು ಶಿಕ್ಷೆ ವಿಧಿಸಲು ಅವಕಾಶ ಇದೆ ಎಂದು ತಿಳಿಸಿದ್ದಾರೆ.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !