ಚಿಟಗುಪ್ಪ (ಬೀದರ್ ಜಿಲ್ಲೆ): ‘ತಾಲ್ಲೂಕಿನ ಸಿಂಧನಕೇರಾ ಗ್ರಾಮ ಪಂಚಾಯಿತಿ ಸದಸ್ಯೆ ಮದಿನಾ ಜಾಫರಸಾಬ್ (67) ಅವರನ್ನು ಅಪಹರಣ ಮಾಡಲಾಗಿದೆ’ ಎಂದು ಆರೋಪಿಸಿ ಅವರ ಮಗ ಅಬ್ಬಸಾಬ್ ಜಾಫರಸಾಬ್ ದೂರು ದಾಖಲಿಸಿದ್ದಾರೆ.
‘ಗ್ರಾಮ ಪಂಚಾಯಿತಿ ಸದಸ್ಯೆ ಸಂಗೀತಾ ಚನ್ನಬಸಪ್ಪ ಮಾಲಿಪಾಟೀಲ ಎಂಬುವರು ತಾವು ಅಧ್ಯಕ್ಷೆ ಆಗಬೇಕು ಎಂದು ಬಯಸಿ ನನ್ನ ತಾಯಿಯನ್ನು ಅಪಹರಿಸಿಕೊಂಡು ಹೋಗಿದ್ದಾರೆ’ ಎಂದು ದೂರಿನಲ್ಲಿ ದಾಖಲಾಗಿದೆ. ಈ ಸಂಬಂಧ ಇಲ್ಲಿನ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.