ಸೋಮವಾರ, ಫೆಬ್ರವರಿ 17, 2020
17 °C
ರಾಜ್ಯಮಟ್ಟದ ಪಶು ಮೇಳ ಇಂದಿನಿಂದ

ಜನವಾಡ: ಮೇಳಕ್ಕೆ ಬಂದ ನಾಡಿನ ಪಶುಗಳು

ನಾಗೇಶ ಪ್ರಭಾ Updated:

ಅಕ್ಷರ ಗಾತ್ರ : | |

Prajavani

ಜನವಾಡ: ಬೀದರ್ ತಾಲ್ಲೂಕಿನ ಕಮಠಾಣ ಬಳಿಯ ಕರ್ನಾಟಕ ಪಶು ವೈದ್ಯಕೀಯ, ಪಶು ಹಾಗೂ ಮೀನುಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯದ ಆವರಣದಲ್ಲಿ ಮೂರು ದಿನಗಳ ರಾಜ್ಯಮಟ್ಟದ ಪಶು ಮೇಳ ಶುಕ್ರವಾರ ಶುರುವಾಗಲಿದೆ.‌

ಶಾಮಿಯಾನ, ಪ್ರಧಾನ ವೇದಿಕೆ, ಮಳಿಗೆಗಳು ಸೇರಿದಂತೆ ಮೇಳಕ್ಕೆ ಸಕಲ ಸಿದ್ಧತೆಗಳು ಪೂರ್ಣಗೊಂಡಿವೆ. ರಾಜ್ಯದ ಎಲ್ಲ ಜಿಲ್ಲೆಗಳಿಂದ ಬರಲಿರುವ ವಿವಿಧ ತಳಿಗಳ ಪಶುಗಳು ಮೇಳದ ಆಕರ್ಷಣೆಯಾಗಲಿವೆ.

ಬೃಹತ್ ಶಾಮಿಯಾನದ ವೇದಿಕೆಯಲ್ಲಿ ವಿವಿಧ ಗೋಷ್ಠಿಗಳು ನಡೆಯಲಿವೆ. ವೇದಿಕೆಯ ಅಕ್ಕಪಕ್ಕದಲ್ಲಿ ಎರಡು ಎಲ್‍ಇಡಿ ಪರದೆಗಳನ್ನು ಅಳವಡಿಸಿದ್ದು, ವಿಶ್ವವಿದ್ಯಾಲಯ ಆವರಣದ ಯಾವುದೇ ಮೂಲೆಯಿಂದ ವೇದಿಕೆ ಕಾರ್ಯಕ್ರಮವನ್ನು ವೀಕ್ಷಿಸಬಹುದಾಗಿದೆ.

ಮೇಳಕ್ಕೆ ಬರುವ ರೈತರಿಗೆ ಊಟ, ಜಾನುವಾರುಗಳಿಗೆ ಪಶು ಆಹಾರ, ಕುಡಿಯುವ ನೀರಿನ ವ್ಯವಸ್ಥೆ ಮಾಡಲಾಗಿದೆ. ವಿವಿಧ ಇಲಾಖೆಗಳ ಮಾಹಿತಿ ನೀಡುವ ಮಳಿಗೆಗಳು ಹಾಗೂ ವಾಣಿಜ್ಯ ಮಳಿಗೆಗಳು ಮೇಳದಲ್ಲಿ ಇರಲಿವೆ.

ಕೆಎಂಎಫ್‌ನಿಂದ ಬಂದ ಪಶು ಆಹಾರ ಕಲಬುರ್ಗಿಯ ಬೀದರ್, ಕಲಬುರ್ಗಿ, ಯಾದಗಿರಿ ಹಾಲು ಒಕ್ಕೂಟದಿಂದ ಮೇಳದಲ್ಲಿ ಪಾಲ್ಗೊಳ್ಳಲಿರುವ ಪಶುಗಳಿಗೆ ಕೊಡಲು ಗುರುವಾರ ಮೇಳ ಸ್ಥಳಕ್ಕೆ ಪಶು ಆಹಾರ ಬಂದಿದೆ.

‘ಲಾರಿಯಲ್ಲಿ 10 ಟನ್ ಪಶು ಆಹಾರ ಬಂದಿದೆ. ಒಂದು ಜಾನುವಾರಿಗೆ ಪ್ರತಿ ದಿನ 4 ಕೆ.ಜಿ. ಪಶು ಆಹಾರ ಕೊಡಲಾಗುವುದು’ ಎಂದು ಪಶು ಪಾಲನೆ ಮತ್ತು ಪಶು ವೈದ್ಯ ಸೇವಾ ಇಲಾಖೆಯ ಭಾಲ್ಕಿಯ ಸಹಾಯಕ ನಿರ್ದೇಶಕ ಡಾ. ನರಸಪ್ಪ ತಿಳಿಸಿದರು.

‘ಪ್ರತಿ ಶೆಡ್‌ಗಳಲ್ಲಿ ಜಾನುವಾರುಗಳಿಗಾಗಿ ತಲಾ 25 ಕೆ.ಜಿ. ಒಣ ಮೇವು ಇಡಲಾಗಿದೆ. ಹಸಿ ಮೇವು ಕೂಡ ಬರಲಿದೆ. ಖನೀಜ ಮಿಶ್ರಣ ಕೂಡ ಜಾನುವಾರುಗಳಿಗೆ ದೊರೆಯಲಿದೆ’ ಎಂದು ಹೇಳಿದರು.

‘ಮೇಳಕ್ಕೆ ವಿವಿಧ ತಳಿಯ ಜಾನುವಾರು, ಹೈನುರಾಸು, ಕುರಿ, ಆಡು, ಶ್ವಾನ, ಕೋಳಿ, ಬೆಕ್ಕು, ಹಕ್ಕಿಗಳು ಬರಲಿವೆ. ವಿವಿಧ ಸಮಿತಿಗಳು ಮೇಳದ ಯಶಸ್ವಿಗಾಗಿ ಅವಿರತ ಶ್ರಮಿಸುತ್ತಿವೆ’ ಎಂದು ತಿಳಿಸಿದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು