ಕೊಳ್ಳೇಗಾಲ: ಕ್ರಿಸ್‌ಮಸ್‌ ಸಿದ್ಧತೆ ಜೋರು

ಕ್ರಿಸ್‌ಮಸ್‌ನಲ್ಲಿ ಕೇಕ್‌ಗೆ ಮಹತ್ವದ ಸ್ಥಾನವಿದೆ. ಕ್ರಿಶ್ಚಿಯನ್ನರು ಹಬ್ಬದ ಪ್ರಯುಕ್ತ ತಮ್ಮ ಸ್ನೇಹಿತರು ಕುಟುಂಬಸ್ತರಿಗೆ ಕೇಕ್‌ ಹಂಚುತ್ತಾರೆ. ಹಾಗಾಗಿ‌  ಕೇಕ್‌ಗೆ ಬೇಡಿಕೆ ಹೆಚ್ಚು. ಎಷ್ಟೇ ಬಡವರಾದರೂ ಕ್ರಿಶ್ಚಿಯನ್ನರು ಕ್ರಿಸ್‌ಮಸ್‌ ಆಚರಿಸುತ್ತಾರೆ. ಹೊಸ ಬಟ್ಟೆ ತೊಟ್ಟು ಕೇಕ್‌ ತಿಂದು ಸಂಭ್ರಮಿಸುತ್ತಾರೆ. ಆ ಕಾರಣಕ್ಕೆ ಕ್ರಿಸ್‌ಮಸ್‌ ಎಂದರೆ ಕೇಕ್‌ನ ಹಬ್ಬ.  ಬೇಕರಿಗಳಲ್ಲಿ ತರಹೇವಾರಿ ಕೇಕ್‌ಗಳ ತಯಾರಿ ಜೋರಾಗಿದೆ. ಮನೆಯಲ್ಲೇ ಕೇಕ್‌ ತಯಾರಿಸಿ ಮಾರಾಟ ಮಾಡುವವರಿಗೂ ಈಗ ಕೈತುಂಬಾ ಕೆಲಸ.  ‘ಹಬ್ಬದ ಸಂದರ್ಭದಲ್ಲಿ ಮನೆಗಳಲ್ಲೂ ಕೇಕ್ ಮಿಕ್ಸಿಂಗ್ ಅದ್ಧೂರಿಯಾಗಿ ನಡೆಯುತ್ತದೆ. ದೊಡ್ಡ ಟ್ರೇಯಲ್ಲಿ ದ್ರಾಕ್ಷಿ ಬಾದಾಮಿ ಗೋಡಂಬಿ ಪಿಸ್ತಾ ಖರ್ಜೂರ ಚೆರ್ರಿ ಮತ್ತಿತರ ಒಣಹಣ್ಣುಗಳ ರಾಶಿಯ ಮೇಲೆ ವಿವಿಧ ಕೇಕ್‌ಗಳನ್ನು ತಯಾರಿಸಲಾಗುತ್ತದೆ. ಕ್ರಿಸ್‍ಮಸ್ ಕೇಕ್ ಪ್ಲಮ್‌ಕೇಕ್ ಫ್ರುಟ್‌ ಕೇಕ್ ಚಾಕೂ ಕೇಕ್ ಮಿಕ್ಸ್ ಕೇಕ್ ಸಲಾಡ್ ಕೇಕ್ ಸೇರಿದಂತೆ ಅನೇಕ ಕೇಕ್‍ಗಳನ್ನು ಹಬ್ಬಕ್ಕಾಗಿಯೇ ಸಿದ್ಧಪಡಿಸಲಾಗುತ್ತದೆ’ ಎಂದು ಕೊಳ್ಳೇಗಾಲದ ಮಾರ್ಗರೇಟ್ ವಿವರಿಸಿದರು.