ನಾಲೆ ಸ್ವಚ್ಛತೆಗೆ ಮುಂದಾದ ಕಾವೇರಿ ನಿಗಮ

ತಾಲ್ಲೂಕಿನ ವ್ಯಾಪ್ತಿಯಲ್ಲಿ ಬರುವ ಕಬಿನಿ ನಾಲೆಗಳಲ್ಲಿ ಗಿಡಗಂಟಿಗಳು ಬೆಳೆದಿದ್ದವು. ಹೂಳಿನ ಸಮಸ್ಯೆಯೂ ಇದರಿಂದ ನೀರು ಸರಾಗವಾಗಿ ಹರಿಯದೆ ಬೇರೆ ಕಡೆಗೆ ಸಾಗಿ ವ್ಯರ್ಥವಾಗುತ್ತಿತ್ತು.

ಈ ಬಗ್ಗೆ ‘ಪ್ರಜಾವಾಣಿ’ಯ ಜುಲೈ 25 ರ ಸಂಚಿಕೆಯಲ್ಲಿ ‘ದುರಸ್ತಿಯಾಗದ ನಾಲೆ; ಕೆರೆಗೆ ಹರಿಯದ ನೀರು’ ಎಂಬ ವಿಶೇಷ ವರದಿ ಪ್ರಕಟವಾಗಿತ್ತು.

ಈ ವರದಿಗೆ ಸ್ಪಂದಿಸಿರುವ ಕಾವೇರಿ ನೀರಾವರಿ ನಿಗಮದ ಅಧಿಕಾರಿಗಳು ನಾಲೆಗಳಲ್ಲಿ ಬೆಳೆದಿರುವ ಗಿಡಗಂಟಿಗಳನ್ನು, ಹೂಳು ತೆರೆವುಗೊಳಿಸಲು ಆರಂಭಿಸಿದ್ದಾರೆ.

‘ನೀರಿನ ಪ್ರಮಾಣವನ್ನು ಕಡಿಮೆ ಮಾಡಿ ದಿನಕ್ಕೆ 1 ಕಿ.ಮೀನಂತೆ ನಾಲೆಯನ್ನು ಸ್ವಚ್ಛ ಮಾಡಲಾಗುತ್ತಿದೆ’ ನಿಗಮದ ಅಧಿಕಾರಿಗಳು ‘ಪ್ರಜಾವಾಣಿ’ಗೆ ತಿಳಿಸಿದ್ದಾರೆ.