ಚಾಮರಾಜನಗರ: ಚುಮು ಚುಮು ಚಳಿಯ ಕಚಗುಳಿ

ಚಾಮರಾಜನಗರ: ಚಳಿರಾಯ ನಿಧಾನವಾಗಿ ಗಡಿ ಜಿಲ್ಲೆಗೆ ಕಾಲಿಟ್ಟಿದ್ದಾನೆ. ವಾರದಿಂದೀಚೆಗೆ ಇಳಿ ಸಂಜೆಯಿಂದ ಬೆಳಗ್ಗಿನವರೆಗೆ ಶೀತ ವಾತಾವರಣ ಕಂಡು ಬರುತ್ತಿದ್ದು, ಉಷ್ಣಾಂಶ ದಿನೇ ದಿನೇ ಕುಸಿಯಲು ಆರಂಭಿಸಿದೆ.

. ಕಳೆದ ವಾರದವರೆಗೂ 21–20 ಡಿಗ್ರಿ ಸೆಲ್ಸಿಯಸ್ನ ಆಸುಪಾಸಿನಲ್ಲಿದ್ದ ಕನಿಷ್ಠ ಉಷ್ಣಾಂಶ ಎರಡು ದಿನಗಳಿಂದ 17–16 ಡಿಗ್ರಿ ಸೆಲ್ಸಿಯಸ್ಗೆ ಇಳಿದಿದೆ. ಗರಿಷ್ಠ ಉಷ್ಣಾಂಶ 27–28 ಡಿಗ್ರಿ ಸೆಲ್ಸಿಯಸ್ನಷ್ಟು ದಾಖಲಾಗುತ್ತಿದೆ.

. ಮೂರ್ನಾಲ್ಕು ದಿನಗಳಿಗೆ ಹೋಲಿಸಿದರೆ, ಜಿಲ್ಲಾ ಕೇಂದ್ರ ಚಾಮರಾಜನಗರದ ಮಂದಿಗೆ ಶುಕ್ರವಾರ ಬೆಳಿಗ್ಗೆ ಹೆಚ್ಚಿನ ಚಳಿಯ ಅನುಭವವಾಗಿದೆ. ಬೆಳಿಗ್ಗೆ 9 ಗಂಟೆಯವರೆಗೂ ಶೀತ ವಾತಾವರಣ ಇತ್ತು. ಸೂರ್ಯನ ಕಿರಣಗಳು ಸರಿಯಾಗಿ ಭೂಮಿಗೆ ಬಿದ್ದ ನಂತರವಷ್ಟೇ ವಾತಾವರಣ ಸ್ವಲ್ಪ ಬಿಸಿಯಾಯಿತು.

. ವಿಳಂಬ: ಕಳೆದ ವರ್ಷಕ್ಕೆ ಹೋಲಿಸಿದರೆ, ಈ ವರ್ಚ ಚಳಿಗಾಲ ಆರಂಭ ಸ್ವಲ್ಪ ನಿಧಾನವಾಗಿದೆ. ಕಳೆದ ವರ್ಷ ಅಕ್ಟೋಬರ್ ತಿಂಗಳ ಕೊನೆಯ ವಾರವೇ ಚಳಿ ಆರಂಭವಾಗಿತ್ತು. ನಾಲ್ಕೈದು ದಿನಗಳ ಕಾಲ ಕೊರೆಯುವ ಚಳಿ ಇದ್ದು, ನಂತರ ಕಡಿಮೆಯಾಗಿ, ನವೆಂಬರ್ ಎರಡನೇ ವಾರದಿಂದ ಮತ್ತೆ ಥರಗುಟ್ಟುವ ಚಳಿ ಶುರುವಾಗಿತ್ತು.

. ಈ ಬಾರಿ ನವೆಂಬರ್ ಆರಂಭದವರೆಗೂ ಜಿಲ್ಲೆಯಲ್ಲಿ ಉತ್ತಮ ಮಳೆಯಾಗುತ್ತಿದ್ದುದರಿಂದ ಚಳಿ ಆರಂಭ ಕೊಂಚ ನಿಧಾನವಾಗಿದೆ ಎಂದು ಹೇಳಲಾಗುತ್ತಿದೆ.

. ದೂರವಾದ ಮಳೆ: ಅರಬ್ಬಿ ಸಮುದ್ರದಲ್ಲಿ ವಾಯುಭಾರ ಕುಸಿತ ಉಂಟಾದ ಕಾರಣ ಜಿಲ್ಲೆಯಲ್ಲೂ ಕಳೆದ ವಾರದ ಮಧ್ಯದಲ್ಲಿ ಎರಡು ದಿನ ಮಳೆಯಾಗಿತ್ತು. ಆ ಬಳಿಕ ಎಲ್ಲೂ ಮಳೆ ಬಿದ್ದಿಲ್ಲ. ಇಬ್ಬನಿ ಹಾಗೂ ಮಂಜಿನ ಅಬ್ಬರ ಹೆಚ್ಚಾಗಿದೆ.

. ಕೆರೆ ಕಟ್ಟೆಗಳು, ಅರಣ್ಯದ ಅಂಚು, ಕೃಷಿ ಜಮೀನಿನಲ್ಲಿ ಆವರಿಸುವ ಇಬ್ಬನಿ, ಮನಮೋಹಕ ದೃಶ್ಯವನ್ನು ಸೃಷ್ಟಿಸುತ್ತಿವೆ.

. ಎರಡು ದಿನಗಳಿಂದ ಸಂಜೆ 5.30ರ ನಂತರ ಶೀತಗಾಳಿ ಬೀಸಲು ಆರಂಭಿಸುತ್ತಿದೆ. ಬೆಳಗಿನ ಜಾವ ಶೀತ ಹೆಚ್ಚಾಗಿದ್ದು, ಮಂಜಿನ ವಾತಾವರಣ ಕಂಡು ಬರುತ್ತಿದೆ.

. ಜನಜೀವನದ ಮೇಲೆ ಪರಿಣಾಮ: ಚಳಿ ಹೆಚ್ಚಾಗುತ್ತಿದ್ದಂತೆಯೇ ಜನರ ದಿನನಿತ್ಯದ ಚಟುವಟಿಕೆಗಳ ಮೇಲೆ ಪರಿಣಾಮ ಬೀರಿದೆ. ಬೆಳಿಗ್ಗೆ ಬೇಗ ವಾಯುವಿಹಾರಕ್ಕೆ ತೆರಳುತ್ತಿದ್ದವರು ಸ್ವಲ್ಪ ತಡವಾಗಿ ಹೋಗುತ್ತಿದ್ದಾರೆ.

. ಸ್ವೆಟರ್, ಜಾಕೆಟ್, ಟೊಪ್ಪಿ, ಮಫ್ಲರ್ಗಳನ್ನು ಸಾರ್ವಜನಿಕರು, ಮಕ್ಕಳು, ವಿದ್ಯಾರ್ಥಿಗಳು ಧರಿಸುತ್ತಿದ್ದಾರೆ. ಸೋಲಾರ್ ಹೀಟರ್ಗಳು ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸದೆ ಇರುವುದರಿಂದ ಜನರು ಬಿಸಿನೀರು ಕಾಯಿಸುವುದಕ್ಕಾಗಿ ಒಲೆಯ ಮೊರೆ ಹೋಗಿದ್ದಾರೆ. ಹಾಗಾಗಿ, ತೆಂಗಿನ ಕಾಯಿ ಸಿಪ್ಪೆಗಳಿಗೆ (ಮಟ್ಟೆ) ಬೇಡಿಕೆ ಹೆಚ್ಚಾಗಿದೆ.

. ಗ್ರಾಮೀಣ ಭಾಗದಲ್ಲೂ ಚಳಿ ಹೆಚ್ಚಾಗಿದ್ದು, ಜನರು ಚಳಿಗಾಲಕ್ಕೆ ಹೊಂದಿಕೊಳ್ಳಲು ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ.

. ಕೃಷಿಗೆ ತೊಂದರೆ ಇಲ್ಲ ಚಳಿಯಿಂದಾಗಿ ಕೃಷಿಗೆ ಯಾವುದೇ ತೊಂದರೆ ಇಲ್ಲ. ಕೆಲವು ಬೆಳೆಗಳಿಗೆ ಶೀತ ವಾತಾವರಣ ಅಗತ್ಯ ಇದೆ. ಕಡಲೆ, ಕೊತ್ತಂಬರಿ, ಜೋಳ, ರಾಗಿ ಸೇರಿದಂತೆ ಹಲವು ಬೆಳೆಗಳು ಚಳಿಗಾಲದಲ್ಲಿ ಕಾಳು ಕಟ್ಟುವುದು ಹೆಚ್ಚು ಎಂದು ಹೇಳುತ್ತಾರೆ ರೈತರು.

. ಸಾಮಾನ್ಯವಾಗಿ ಮಂಜು ಕವಿಯಲು ಆರಂಭವಾದರೆ ಮಳೆ ದೂರ ಹೋಯಿತು ಎಂಬ ನಂಬಿಕೆ ಜನರಲ್ಲಿದೆ. ಆದರೆ, ನಮ್ಮ ಜಿಲ್ಲೆಯಲ್ಲಿ ಮುಂಗಾರಿಗಿಂತ ಹಿಂಗಾರು ಮಳೆಯೇ ಹೆಚ್ಚು ಬೀಳುವುದರಿಂದ ಚಳಿಗಾಲದ ಮಧ್ಯೆಯೂ ಮಳೆಯಾಗುವ ಸಾಧ್ಯತೆ ಇರುತ್ತದೆ ಎಂದು ಹೇಳುತ್ತಾರೆ ಅವರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಾಮರಾಜನಗರ: ಚುಮು ಚುಮು ಚಳಿಯ ಕಚಗುಳಿ

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ

ಮತ್ತೆ ಒಂದಾದ ಅನಂತನಾಗ್-ಲಕ್ಷ್ಮಿ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ದಾಖಲೆ ಉತ್ತಮಪಡಿಸಿಕೊಂಡ ಶ್ರೀಹರಿ

ಫುಟ್‌ಬಾಲ್‌: ಮತ್ತೆ ಗೋವಾ ತಂಡಕ್ಕೆ ಮಾರ್ಕ್ವೆಝ್

ಹಾಕಿ: ಭಾರತ ಎ ತಂಡಕ್ಕೆ ಸೋಲು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ

ಮತ್ತೆ ಒಂದಾದ ಅನಂತನಾಗ್-ಲಕ್ಷ್ಮಿ