ಕಡು ಗುಲಾಬಿ ಬಣ್ಣದ ತ್ರಿಭುಜಾಕಾರದ ಎಲೆಗಳುಳ್ಳ ಐದು ಎಸಳಿನ ಸೊರೆಲ್ ಹೂಗಳು, ಹಳದಿ ಬಣ್ಣದ ಆಕರ್ಷಕ ಕ್ಯಾಸಿಯಾ ಹೂಗಳು, ಕೆಂಪು ರೋಮಗಳಂತಿರುವ ಮುಟ್ಟಿದರೆ ಮುನಿ ಹೂಗಳು, ಇಂಗ್ಲಿಷ್ನಲ್ಲಿ ಕೋಟ್ ಬಟನ್ ಎಂದು ಕರೆಯುವ ಸಣ್ಣ ಸೇವಂತಿ ಹೂಗಳು, ಹೃದಯಾಕಾರದ ಎಲೆಗಳಿರುವ ಬಳ್ಳಿಯಲ್ಲಿ ಬಿಡುವ ಬಿಳಿಚಿದ ಬುಗುರಿ ಹೂಗಳು, ಕಪ್ಪು ಮುಳ್ಳುಗಳಿರುವ ಸಸ್ಯದಲ್ಲಿ ಅರಳುವ ಸಿಂಹಿ ಹೂಗಳು, ಆಕರ್ಷಕ ಪುಟ್ಟಪುಟ್ಟ ನೀಲಿ ಹೂಗಳ ಗುಚ್ಛದಂತಿರುವ ಕರಿಯುತ್ತರಾಣಿ ಹೂಗಳು, ಶಿವನಿಗೆ ಪ್ರಿಯವಾದ ತುಂಬೆ ಹೂಗಳು... ಹೀಗೆ ಹೂಗಳ ಪಟ್ಟಿ ಬೆಳೆಯುತ್ತಾ ಹೋಗುತ್ತದೆ.