ಒಂದು ವೇಳೆ ಮಳೆ ಬಂದರೆ ಅರಳುವ ಹೂವಿಗೆ ಹಾನಿಯಾಗುವುದಲ್ಲದೇ, ಮಳೆಗೆ ಸಿಕ್ಕಿದ ಹೂವು ಕೂಡ ಪರಾಗಸ್ಪರ್ಶ ಕ್ರಿಯೆಗೆ ಒಳಗಾಗದೇ ಇಳುವರಿ ಕುಂಠಿತವಾ ಗುತ್ತದೆ. ಇದುವರೆಗೂ ಮಳೆಗಾಗಿ ಪ್ರಾರ್ಥಿಸುತ್ತಿದ್ದ ಕಾಫಿ ಬೆಳೆಗಾರರು ಇನ್ನೆರಡು ದಿನ ಮಳೆ ಬಾರದಿರಲಿ ಎಂಬ ನಿರೀಕ್ಷೆಯಲ್ಲಿದ್ದಾರೆ.
ಎರಡು ದಿನಗಳ ತರುವಾಯ ಮಳೆಯಾದರೆ ಕಾಫಿ ಬೆಳೆಗೆ ಅನುಕೂಲವಾಗುತ್ತದೆ. ಈಗ ಆಗಿರುವ ಮಳೆಯು ರೋಬಾಸ್ಟಾ ಕಾಫಿಗಿಂತಲೂ ಅರೇಬಿಕಾಕ್ಕೆ ಹೆಚ್ಚು ಉಪಯು ಕ್ತವಾಗಿದ್ದು, ಸೂಕ್ತ ಸಮಯದಲ್ಲಿ ಮಳೆ ಸುರಿದಿದ್ದರಿಂದ ರೋಬಾಸ್ಟಾ ಕಾಫಿಗಿಂ ತಲೂ ಹೆಚ್ಚು ಹೂವಾಗಿದೆ.
ಕಾಫಿ ತೋಟಗಳು ಹೂವಿನಿಂದ ಕಂಗೊಳಿಸುತ್ತಿದ್ದು, ಪರಾಗಸ್ಪರ್ಶ ಕ್ರಿಯೆಗೆ ಅಡ್ಡಿಯಾಗಬಾರದು ಎಂಬ ಕಾರಣ ದಿಂದ ಬಹುತೇಕ ಕಾಫಿ ತೋಟಗಳಲ್ಲಿ ಎರಡು ಮೂರು ದಿನಗಳಿಗೆ ರಜೆ ಘೋಷಿಸಲಾಗಿದೆ.
ಈಗಾಗಲೇ ಕಾಫಿಗೆ ಗರಿಷ್ಠವಲ್ಲ ದಿದ್ದರೂ ಉತ್ತಮ ಬೆಲೆಯಿದ್ದು, ಇದೇ ಬೆಲೆ ಮುಂದುವರೆದು ಈಗಾಗಿರುವ ಹೂವೆಲ್ಲವೂ ಕಾಫಿಯಾಗಿ ಬಂಪರ್ ಬೆಳೆ ಯಾದರೆ ಕಾಫಿ ಬೆಳೆಗಾರರ ಮುಖದಲ್ಲಿ ಹರ್ಷ ಮೂಡಲು ಸಾಧ್ಯವಾಗುತ್ತದೆ.
-ಕೆ. ವಾಸುದೇವ್