ಬೆಂಡೆ ಬೆಳೆದಿದ್ದು 12 ಸಾಲು.. ಲಾಭ ಬಹುಪಾಲು...

ಸಿರಿಗೆರೆ: ಕೃಷಿಕರು ಸದ್ದಿಲ್ಲದಂತೆ ಏನೇನೋ ಪ್ರಯೋಗ ಮಾಡಿ ಬೆಳಕಿಗೆ ಬರುತ್ತಿದ್ದಾರೆ. ಸಮೀಪದ ಚಿಕ್ಕಬೆನ್ನೂರು ಗ್ರಾಮದ ತಿಪ್ಪೇಸ್ವಾಮಿ ತಮ್ಮ 53ನೇ ವಯಸ್ಸಿನಲ್ಲಿಯೂ ಕೃಷಿ ಚಟುವಟಿಕೆ ಬಿಡದೇ ಕಡಿಮೆ ಖರ್ಚಿನಲ್ಲಿ ಅಧಿಕ ಲಾಭ ಗಳಿಸಿ ಗಮನ ಸೆಳೆದಿದ್ದಾರೆ.

ತಮ್ಮ ಪಾಲಿಗಿರುವ ಅತ್ಯಲ್ಪ ಜಮೀನಿನಲ್ಲೇ ಅಡಿಕೆ ಬೆಳೆಯಲು ಮುಂದಾಗಿ, 3 ತಿಂಗಳ ಹಿಂದೆ ಅಡಿಕೆ ಸಸಿ ನೆಟ್ಟಿದ್ದಾರೆ. ಆ ಸಸಿಗಳ ಮಧ್ಯೆ ಕೇವಲ 12 ಸಾಲು ಬೆಂಡೆ ಬೀಜ ಬಿತ್ತಿ ಉತ್ತಮ ಇಳುವರಿ ತೆಗೆದಿದ್ದಾರೆ.

ಇದಕ್ಕೆ ತಿಪ್ಪೇಸ್ವಾಮಿ ಖರ್ಚು ಮಾಡಿರುವುದು ₹ 4,000 ಮಾತ್ರ. ಅಡಿಗೊಂದರಂತೆ ಭೂಮಿಯ ಹದ ನೋಡಿಕೊಂಡು ಬೆಂಡೆ ಊರಿದ್ದಾರೆ. ಅವು ಮೊಳಕೆ ಬಂದ ಕೆಲ ದಿನಗಳ ನಂತರ ಅಲ್ಪ ಪ್ರಮಾಣದ ರಸಗೊಬ್ಬರ ಕೊಟ್ಟಿದ್ದಾರೆ. ನೋಡನೋಡುತ್ತಿದ್ದಂತೆಯೇ ಸಸಿಗಳು ನಳನಳಿಸತೊಡಗಿದವು. ಇದರಿಂದ ಖುಷಿಯಾದ ರೈತ ಬೆಳೆಯನ್ನು ಕಾಪಾಡಿಕೊಳ್ಳಲು 3 ಬಾರಿ ಕೀಟನಾಶಕ ಸಿಂಪಡಿಸಿದ್ದಾರೆ. ಇದರ ಪರಿಣಾಮ ಬೆಂಡೆ ನಿರೀಕ್ಷೆ ಮೀರಿ ಬೆಳೆದಿದೆ.

‘ಮೆಕ್ಕೆಜೋಳ ಬೆಳೆದಿದ್ದರೆ ನನಗೆ ಇಷ್ಟು ಲಾಭ ಆಗುತ್ತಿರಲಿಲ್ಲ’ ಎನ್ನುವ ಅವರು, ‘ಖರ್ಚು ತೆಗೆದು ಈಗಾಗಲೇ ಅಂದಾಜು ₹ 75,000 ಆದಾಯ ಬಂದಿದೆ’ ಎನ್ನುತ್ತಾರೆ.

ಮೊದಲೆಲ್ಲ ಸಮೀಪದ ಹಳ್ಳಿಗಳಲ್ಲಿ ನಡೆಯುವ ವಾರದ ಸಂತೆಗಳಿಗೆ ಬೆಂಡೆಕಾಯಿ ತೆಗೆದುಕೊಂಡು ಹೋಗಿ ಮಾರಾಟ ಮಾಡುತ್ತಿದ್ದರು. ಅಲ್ಲಿ ಬೆಲೆ ಕಡಿಮೆ ಸಿಗುತ್ತಿದ್ದರಿಂದ ಚಿತ್ರದುರ್ಗ ಮತ್ತು ದಾವಣಗೆರೆ ಮಾರುಕಟ್ಟೆಗೆ ಒಯ್ದಿದ್ದಾರೆ. ಇದರಿಂದ ಒಳ್ಳೆಯ ಬೆಲೆ ಸಿಕ್ಕಿದೆ. ಇನ್ನೂ ಕಡಿಮೆ ಎಂದರೂ ₹ 20,000ದಷ್ಟು ಇಳುವರಿ ಬರಬಹುದೆಂಬ ಅಂದಾಜು ಅವರದು.

. ‘ಈ ರೀತಿ ಬೆಳೆ ಬೆಳೆದಿರುವುದು ಹೊಸದು. ಇಷ್ಟು ಕಡಿಮೆ ಖರ್ಚು ಮಾಡಿ ನನಗೆ ಲಾಭ ಬಂದಿದೆ. ಬೆಳೆ ಕಡಿಮೆ ಇದ್ದಾಗ ನಾನೇ ಬಿಡಿಸುತ್ತೇನೆ. ಗಿಡದಲ್ಲಿ ಜಾಸ್ತಿ ಬೆಳೆ ಇದ್ದಾಗ ಕೂಲಿಯವರನ್ನು ಕರೆದುಕೊಳ್ಳುತ್ತೇನೆ. ಮೆಕ್ಕೆಜೋಳ ಬಿತ್ತಿದ್ದರೆ ಆ ಬೆಳೆಗೆ ಮಾಡುವ ಖರ್ಚು ಅಧಿಕವಾಗಿರುತ್ತಿತ್ತು. ಹಣ ಕೈಗೆ ಬರಲು ಕಾಯಬೇಕಿತ್ತು. ಆದರೆ, ಬೆಂಡೆ ಬಿತ್ತಿದ್ದರಿಂದ ನಾನು ಬಿಡಿಸಿ ಮಾರುಕಟ್ಟೆಗೆ ಕೊಂಡೊಯ್ದ ದಿನವೇ ಹಣ ಸಿಗುತ್ತದೆ. ಇದು ಖುಷಿಯ ವಿಚಾರ’ ಎಂದು ಅವರು ಹೇಳುತ್ತಾರೆ.

. ಇಷ್ಟೊಂದು ಆದಾಯ ಬರುವ ನಿರೀಕ್ಷೆ ಇರಲಿಲ್ಲ. ನಾನು ತಂದೆ ಮತ್ತು ತಾಯಿ ಮೂವರೂ ಕೃಷಿಯಲ್ಲಿ ತೊಡಗಿಸಿಕೊಂಡಿದ್ದೇವೆ. ಕೂಲಿ ಕಾರ್ಮಿಕರನ್ನು ಹೆಚ್ಚು ಅವಲಂಬಿಸದೇ ಇರುವುದರಿಂದ ಲಾಭದ ಪ್ರಮಾಣ ಸ್ವಲ್ಪ ಜಾಸ್ತಿಯಾಗಿದೆ.

– ಟಿ. ಮಂಜುನಾಥ್ ತಿಪ್ಪೇಸ್ವಾಮಿಯವರ ಮಗ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೆಂಡೆ ಬೆಳೆದಿದ್ದು 12 ಸಾಲು.. ಲಾಭ ಬಹುಪಾಲು...

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಕ್ಕೆ ಸಮನಾದ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ