‘ರೈತರಿಗೆ ವರವಾದ ಭದ್ರಾ ಮೇಲ್ದಂಡೆ ಯೋಜನೆ’

ತಾಲ್ಲೂಕಿನ ಹಾಲುರಾಮೇಶ್ವರದಲ್ಲಿ ಗೂಳಿಹಟ್ಟಿ ಡಿ. ಶೇಖರ್ ಸಾರಥ್ಯದಲ್ಲಿ ಆಯೋಜಿಸಿದ್ದ ‘ಹಾಲುರಾಮೇಶ್ವರ ಉತ್ಸವ’ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಮಾತನಾಡಿ, ‘ರಾಜ್ಯದಲ್ಲೇ ಕ್ಷೇತ್ರದ ಅಭಿವೃದ್ಧಿಗಾಗಿ ಅತಿ ಹೆಚ್ಚು ಅನುದಾನ ತಂದಿರುವ ರಾಜಕಾರಣಿ ಗೂಳಿಹಟ್ಟಿ ಡಿ. ಶೇಖರ್. ರಾಮಾಯಣದಲ್ಲಿ ಬರುವ ರಾಮೇಶ್ವರ
ದಷ್ಟೇ ಈ ಹಾಲುರಾಮೇಶ್ವರ ಪವಿತ್ರ ಸ್ಥಳ. ಶಿವನ ಅನುಗ್ರಹ ಎಲ್ಲರ ಮೇಲಿರಲಿ’ ಎಂದರು.

ಶಾಸಕ ಗೂಳಿಹಟ್ಟಿ ಡಿ. ಶೇಖರ್ ಮಾತನಾಡಿ, ‘ಭದ್ರಾ ಮೇಲ್ದಂಡೆ ರಾಷ್ಟ್ರೀಯ ಯೋಜನೆಯಾಗಲು ಗೋವಿಂದ ಕಾರಜೋಳ ಅವರು ಕಾರಣ. ₹ 2,600 ಕೋಟಿ ಅನುದಾನ, 1.5 ಲಕ್ಷ ಎಕರೆ ಭೂಮಿಗೆ ಡ್ರಿಪ್ ಸೌಲಭ್ಯ ನೀಡಿದ್ದಾರೆ. ಸಂಪರ್ಕ ಸೇತುವೆ ನಿರ್ಮಿಸಲು ₹ 100 ಕೋಟಿ, ಕಾಂಕ್ರೀಟ್ ರಸ್ತೆ ನಿರ್ಮಿಸಲು ₹ 10 ಕೋಟಿ, ಹೊಸದುರ್ಗ ಪಟ್ಟಣ ಅಭಿವೃದ್ಧಿಗೆ ₹ 40 ಕೋಟಿ ನೀಡಿದ್ದಾರೆ’ ಎಂದರು.

ಭಗೀರಥ ಪೀಠದ ಪುರುಷೋತ್ತಮಾನಂದಪುರಿ ಸ್ವಾಮೀಜಿ, ಕುಂಚಿಟಿಗ ಮಠದ ಶಾಂತವೀರ ಸ್ವಾಮೀಜಿ, ಕೆ.ಎಸ್. ನವೀನ್ ಮಾತನಾಡಿದರು. ಬಿಜೆಪಿ ಜಿಲ್ಲಾ ಅಧ್ಯಕ್ಷ ಮುರುಳಿ, ಮಂಡಲ ಅಧ್ಯಕ್ಷ ಜಗದೀಶ್, ಎಪಿಎಂಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಇದ್ದರು.